– Gávnnai mearrasámi bálgá
– Áibbas erenoamáš go vuosttaš geardde beasan gávttiin čiŋadit! Lean nu illudan dán beaivái, inge leat goassege ovdal dovdan iežan nu fiinnisin go dál. Nu dovddaha 26jahkásas mearrasámenieida Ann-charlott Hansen Hámmárfeasttas.
Son lea olles dálvvi illudan dassái go beassá čiŋadit sápmelažžan, ja almmolaččat vel.
– Dovden iežan nu rámisin min sámi historjjás ja bearrašis. Ja go munge beasan coggat gávtti, vaikko in máhte sámástit.
Gávtti coggat miessemánu 17. beaivái
Ann-charlott lea ráhkkanan miessemánu 17. beaivái gávtti coggat, ja oktain oappáin ja etniin vulget sii gávpogii ovttastallat duháhiid earáiguin. Dát saddá mearkabeaivi dán mearrasápmelažžii.
Ii oappás ii ge eatnis gákti
Su eatnis gal ii leat gákti, iige su oappás. Muhto su oabbá ge lean vuordimin goas su vuorru lea oažžut gávtti. Lea guhkes vuordináigi, go sudno goaskkis, Bente Olsenis, lea ollu goarrumuš. Go juste sin sogas dáhpáhuvai gieskat dehálas historjjálaš illusáhka, mii lea dagahan ahte dál lea boahtán dat áigi go siige dustet čájehit sápmelasvuođaset.
«Dánjagáš sápmelaš 2018» bálkkašupmi
Mannan skápma geigii Ávvir «Dánjagáš sápmelas 2018» bálkkašumi Agnethe Nikoline Margrethe Lorås Hansenii (96), gii lei 70 jagi čiegadan iežas sámevuođa, dáruiduhttima geažil. Easka 90-jahkásažžan duosttai dovddastit sápmelasvuođas. Ja Agnethe leage Ann-charlott ádjá oabbá, ja šaddá ge sámegillii áhkkun maiddái sutnje.
– Sávan ahte áhku bálkkašupmi dagaha ahte midjiide mearrasámiide šaddá eambbo «lobálaš» leat veahá sápmelažžan, go mii han leat vásihan dáruiduhttima ja massán olu iežamet kultuvrras. Son lea ovdal dovdan ahte ii sáhte gávtti coggat go in máhte sámegiela hállat, iige sámevuohta leat leamaš oassin sus.
Sámi nuorat láidesteaddjin nuppiide
Maŋimus jagiid lea vásihan ahte lea eanet ja eanet dohkálaš, ja eambbosat gávdnet bálgá ruovttoluotta sin historjái ja kultuvrii. Sámevuohta lea eanet ožžon boahtit oidnosii medias ja sámevuohta lea bivnnut. Ollu sámenuorat leat láidesteaddjin nuppiide.
– Dasa lassin áhku bálkkašupmi dagaha ahte mun dál dovddan dan ahte bessan dadjat mun ge lean sápmelaš!
Fálesnuoregákti miessemánu 17. beaivái
Su eatni oabbá dat lea gorron dán Fálesnuoregávtti sutnje. Gákti aiddo dal de gárvánii miessemánu 17. beaivái, muhto boagán vel bázii goarokeahttá. Boahkánii son lea goaruheamen riebansilbbaid, mat leat mearrasámi čikŋageađggit ja šealgádit dego albma silba.
Mielamiel ivnnit
Son lohká iežas válljen gáktái mielamiel ivnniid, ja mearredan ahte gákti galgá oaneheabbo go dábálaš Fálesnuori gákti. Son lea sisteveaskku maid oastán Guovdageainnus ja ulloliinnit sus gal leat jo moadde.
Mahcaheamen sámivuođa
Dál lea dáruiduhttima bálgát báhcán ja Ann-charlott lea okta sis geat leat máhcaheamen sámevuođa, guovllus gos dát ii leat leamaš nu bivnnut máŋga buolvva áigge. Norgga friddjavuođabeaivi čájehii ahte olu mearrasámit ge leat beassan friddjan ja háliidit čajehit sin duogaža gávttiin ja leat rámis das.