Eiseválddit háliidit eastadit veahkaválddálašvuođa ja hárdima mánáid vuostá ođđa oahppanresurssain
Mánáid-, nuoraid- ja bearašdirektoráhtta (Bufdir) lea ráhkadan ođđa oahppanressursa skuvllaide ja mánáidgárdiide, «Jegvet.no». «Jegvet» galgá eastadit veagalváldima ja hárdima, lassin diehtujuohkimiin fáttáid birra.
Badjel 20 proseantta nuorain leat vásihan fysalaš veahkaválddálašvuođa iežaset váhnemiin bajašattadettiin.
15 prosentta muitalit sii leat vásihan ovtta- dahje máŋggalágan seksuála veahkaválddálašvuođa ovdal go sii devde 18 jagi. 28 proseantta mánáin ja nuorain leat vásihan ahte muhtin lea bahodallan dahje hárdán sin neahtas, spealuin dahje mobilas.
Mánáin ja nuorain lea riekti oažžut dieđuid veagalváldima ja hárdima birra, ja riekti oažžut veahki jus daid vásihit. Dán rádjái ii leat leamaš/gávdnon nanu našunála ja kvalitehtasihkkarastojuvvon oahpahanvuohki mii lea heivehuvvon olles oahpahanvuohkin mánáidgárddi gitta vuođđoskuvlla lohppii.
– «Jegvet» bokte heivehit mii nu ahte lea álkit mánáidgárddiide ja skuvllaide oažžut dieđuid, dadjá Kjetil Ostling, gii lea Bufdira fálaldagaid divdišuvdnadirektevra.
«Jegvet» oahpponeavvu lea heivehuvvon oahpaheddjiide ja mánáidgárdebargiide nu ahte sii čađahit dán oahpaheami ságastallamiin ja oahpahemiin.
– Mii eat sáhte bágget ovttage atnit «Jegvet»
Lea dehálaš sidjiide geat mánáiguin ja nuoraiguin deaivvadit juohke beaivvi, ja dovdet sin, oassálasit dasa vai mánát ožžot dárbbašlaš dieđuid dáid birra.
– Mii eat sáhte bágget ovttage atnit «Jegvet», muhto mii ávžžuhit buot suohkaniid, skuvllaid ja mánáidgárddiid atnit dán oahpahanresurssa. Dát leat dehálaš lassi dieđut eastadeapmái ja eallima nákcemii, ja vai devdojuvvojit Mánáidkonvešuvnna gáibádusat, dadjá Ostling.
Dieđut «Jegvet» birra:
Dat lea nuvtta oahpahanresursa mánáidgárddide ja skuvllaide, lea olahanmuttus dáppe: www.jegvet. no ja www.salaby.no.
Dat sisttisdoallá agiid mielde heivehuvvon oahpahan vugiid juohkelágan veagalváldima ja hárdima birra, mii lea heivehuvvon mánáidgárddiide, mánáidja nuoraid- ja joatkkaskuvlla dásiide.
Sisdoallu galgá jorgaluvvot davvi-, julev- ja lullisámegillii.