HOROSKOHPA - boahtte vahkku
FIERCA 21/3-19/4
Dán vahkus rávvejuvvot geavahit buot návccaid doarjun dihtii iežat. Ii mihkkege ollašuva vuostálastimiin. Dus lea lohpi geavahit jierpmi, muhto ii fal seaidnái dearpat nu mo bahás fierca. Jus áiggošit gal olahit dan maid váibmu háliida, de fertet leat gávvil ja bargat rievttes láhkai. Čájet dovdduidat, ja gean don árvvus anát.
VUOKSÁ 20/4-21/5
Dál lea dehálaš luohtit iežat návccaide ja árvvoštallamiidda. Lea maid vuogas geahčastit maid earát barget, ja ovttastahttit singuin. Iežat oasálastit ovttasbargguide addá ollu eanet dutnje go dan maid ieš barggat, dat lea dehálaš. Dát guoská sihke ruhtadillái ja maiddái ráhkesvuhtii. Ale bala juogadeamis. Gávnna ođđa geainnuid gosa doalvvut iežat valljivuođa.
JUMEŽAT 21/5-21/6
Don fertet leat gierdevaš álgovahkus. Dađis go beaivvit gollet, de šaddá álkibun ollašuhttit dan maid háliidat. Justa dál lea eallin dego toga mas šaddá alit leaktu. Dus lea bággu váldit muhtin mearrádusaid loahppavahkus. Jus áiggošit buoremus bohtosiid oaidnit, de fertet gal luvvet iežat dálá dilis ja iskat áššiid mo dat galggašedje leat ovddasguvlui. Geige njuni dohko gosa dus lea eanemus miella.
REABBÁ 22/6-22/7
Dál ii leat justa nu ráfálaš dilli. Eallin buktá ovttatláhkai ollu jurdagiid, ja ollu maid galggašit bargat. Dál eai doaimma šat nu bures dat boares vuogádagat ja mo áššiiguin bargat. Danin galggat ge gávdnat ođđa čovdosiid. Don dárbbašat bargagoahtit earáláhkai, vuosttažettiin danin go don leat ahtanuššan. Bargga otná dili mielde, itge nu mo lávet.
LEDJON 23/7-22/8
Mađi eanet jápmadeattu luoittát, dađi johtilabbot joavddat dohko gosa áiggut. Ale gátte ahte láikošit beasat ja ahte áššit ieža njulget. Galggat leat áicil ja dohppet áššiid nu johtilit go vejolaš. Smiehta don vuoját eallima meahccegeainnu. Biilavuoddjit ain iđistit juohke guovllus. Jus leat áicil, de manná bures. Jus gáttát earát leat gozuid alde ja čuvvot mielde, de sáhttet unohisvuođat fáhkkestaga bohciidit. Čuovo mielde!
BUHTISNIEIDA 23/8-22/9
Dát vahkku lea nu buorre vahkku Buhtisnieiddaide geat háliidit vehá friddjavuođa. Návddaš eallima earáiguin ovttas. Vajálduhte buot váivviid ja illut ovttas buriid ustibiiguin ja buori borramušain. Bargga dan maid lea miella. Du bargu ii leat divodit dan mii lea leamaš. Geahča ovddasguvlui ja smiehta maid eallin galggašii sisttisdoallat. Jus áiggot maidige, de bargga dan, dahje jo galggat leat rabas dasa ja vuostái váldit.
VIEHKAT 23/9-22/10
Dán vahkus geahččaluvvot veháš. Man buorre leat don guovdilastit go gaikojuvvot dušše ovtta guvlui, dan seammás go earát hoiget du eará guvlui? Nagodat go jierpmi geavahit, ja bissut dan viissisvuođa geainnus? Dat sisttisdoallá ahte it fallehuvvo dovdduide ja divtte gamus dovdama váldit badjelasas. Galggat leat čielggas ja vuoiggalaš. Geavat dan viissisvuođa mii dus lea, ja dan dihtii lassána maid dat.
SKORPIUVDNA 23/10-21/11
Jus leat buđđosan, de čoavdašuvvet áššit go guorahallagoađát daid. Don it sáhte garvit dan mii dán vahkus du ovddal boahtá. Don sáhtát gal čoavdit váttisvuođaid, dahje geargat daiguin go leat viidáseappot mannan. Ollu buorit ja árvvolašvuođat leat vuordimasas jus duostat leat eallimiin 100 proseantta rabas váimmuin.
BÁHČČI 22/11-21/12
Leat ollu gelddolašvuođa vásáhusat ja suokkardeamit. Don fertet leat gozuid alde ja čuovvut mielde, vai it ruivvás. It don hálit buot gal geahččalit, vaikke dat leat olámuttus ja gahččet jo njulgestaga askái. Dán vahkus lea buorre vejolašvuohta oahppat dadjat «jo» go oaivvildat dan, ja «ii» go ii heive, dahje ii leat dohkálaš. It don dárbbaš buot geahččalit gávnnahan dihte dan maid háliidat!
BÁKTEBOHKKÁ 22/12-19/1
Dán vahkus lea dus unnit lihkadanmunni go dábálaččat. Dat gávdnojit máŋga čovdosa ja vejolašvuođa. Ale viimmás menddo sakka dáhpáhusaide ja das gos dál leat. Doala mielaid rabasin ja geahča eará vejolašvuođaid ja čovdosiid. Lihkat daid ođđa vejolašvuođa guovlluide go dat rahpasit. Ale ge vuordde dassái go earát váldet oktavuođa. Don fertet ieš okto bargat.
ČÁHCEOLMMÁI 20/1-18/2
Stoahkan ja bargu vázzet giehtalaga. Dan fertet maid diehtit ahte maŋŋá beaivvádaga boahtá arvi, nu ahte gáibideaddji bargu ferte dahkkot. Jus dus leat leamaš suohttasat ja leat golahan buot ruđa, de fertet gal ieš dainna gillát. Bargga dan mii dus lea miella, ja stoaga eallimis. Muhto fertet gal ráhkkanit váldit ovddasvástádusa iežat fuomášumiide.
GUOLIT 19/2-20/3
Návddaš eallima go lea vejolašvuohta. Mieđit vejolašvuođaide ja luohte gamus dovdamii. Orru leamen dan láhkai ahte leat beassamin eret stoarpmaid siste ja leat jođus jaskadat guvlui. Gávnna dili dan guldalit ja návddašit. Gávnna maid dili ráhkesvuhtii. Dál ii leat vuos nu hoahpu. Don gávnnahat ahte ollu sáhttá álkibut dahkkot. Smiehta ahte áššit leat álkki ja iešalddis jo čovdojuvvojit. Ja fáhkkestaga lea dat nu.