Áŋgiris guollebivdi vuittii oaggunstávrra
Leander Følstad Gaup vuittii oaggunstávrra mii vuorbáduvvui sin gaskkas geat mannan vahkku sáddejedje gova Ávvira oaggungilvui mánáide.
Leander Følstad Gaup lea áŋgiris oaggu, son oaggu sihke sáiva čázis ja maiddái mearas. Láve dábálaččat goddit hárriid, dorskiid dahje sáiddiid, muitala Leandera eadni Ina Marita Gaup.
Ávvir jearai man stuoris losimus guolli lei maid lea goddán, dasa vástidii Leandera eadni 2 kg. Dan son gottii dálvet go lei jávrri alde oaggume.
– Leander gal áigu geahččalit oaggunstávrrá nu jođánit go vejolaš, lohká Ina Marita.