Háliida Ruoŧa borgguhanlága
NORGA: Ruoŧas leat suoidnemánu rájes čavgen borgguhanlága. Dál sáhttá sáhkohallat jus borgguha olgoboradanbáikkis, olgoperrongain ja almmolaš sáhtu bisánanbáikkiin. Norggas leat buot ráđđehusbellodagat, earret go Risttalaš álbmotbellodat, hilgon jurdaga mearridit seammalágán lága Norgii. Risttalaš álbmotbellodaga stuorradiggeáirras Tore Storehaug lohká VG aviisii ahte Norga dárbbaša eanet borggutkeahtes báikkiid. Ruoŧas lea mihttun heaittihit buot borgguheami 2025 rádjái.