«Hold Norge Rent» dahje sámegillii «Doala Norgga Čorgadin» rihpakárten
Norggas ii leat máhttu das movt ribat nuoskidit Norgga luonddu. Dainna háliida Hold Norge Rent dahkat juoidá.
Ávkkálaš ja suohtas doaibma, guhkes suoidnemánu beivviide, dahje sidjiide geat njakčájit maŋŋeseahtas.
– Dákkár álbmotiskan lea hui dehálaš. Mihttu lea oažžut oppalašgeahčestaga movt nuoskkideapmi ja čorgendárbu lea Norggas, dadjá beaivválaš jođiheaddji Lise Kelity Gulbrandsen.
Vaikko Doala Norgga Čorgadin leage čohkken loguid das man ollu eaktodáhtolašbargit čorgejit juohke jagi, de ii gávdno makkárge oppalašgeahčestat das mii vel lea báhcán čorgekeahttá.
Lasihit čakčat álbmotčorgema
Doala Norgga čorgadin háliida maid čavčča rájes dahkat čorgema álkibun eaktodáhtolaččaide go galget gávdnat báikkiid maid galget čorget, ja nu dahkat ahte eambbo báikkit čorgejuvvojit ovdal go dálvá.
Badjel duhát báikki kárttas leat dieđihuvvon nuoskkiduvvon báikin
Otnážii leat badjel duhát báikki dieđihuvvon nuoskkiduvvon báikin. Dat leat merkejuvvon ruoksadin.
Buot guovllut sáhttet dahkkot čorgenguovlun eaktodáhtolaččaide geat háliidit čorget.