HOROSKOHPA - boahtte vahkku
FIERCA 21/3-19/4
Fierccaide ii leat buorre dušše njuiket áššide, jurddaškeahttá mo áššit leat juste dál. Hástalusat eai leat álkimusat didjiide geat háliidehpet ahte buot galgá leat dahkkon juo ikte. Geavahit buori áiggi, ja vuordit dalle go leat eahpesihkar, lea jierpmáleamos. Soaittát šaddat guossat ja garrudit ollu, jos doamat ja humat ovdal go leat smiehttan. Go rájit jávkagohtet, de lea erenoamáš dehálaš stivret iežat.
VUOKSÁ 20/4-21/5
Leage gearggus hástaluvvot. Jos leat darvánan boares konservatiivvalaš oaiviliidda ja jurdagiidda, de boahtá muhtun gomihit daid. Jos leat smiehttan rievdadit juoidá alddát, de lea áigi láddan dasa. Dál it sáhte šat vázzit seamma bálgás. Lea buoret ieš mannat apmasa guvlui, go bálkestuvvot dohko. Váldde riskka. Bargga juoidá maid it leat ovdal bargan.
JUMEŽAT 21/5-21/6
Gieddi ii leat eanet ruoná nuppe bealde áiddi juste dál. Dohkket ollislaččat dan saji masa dus lea ráđđi, ja geahččal dahkat dainna dan buoremusa maid sáhtát. Ráhkis sin geaiguin don servvoštalat. Čieŋo du jurdagiidda ja eallimii, ja juogat daid du lagamuččaiguin, nu teahttát go vejolaš. Jos orro šaddame beare teahtis, juogat vel eambbo. Ráhkis dan gii don leat, ja nu oaččut ráhkisvuođa eará sajis maid.
REABBÁ 22/6-22/7
Čájet gii don leat. Čájet gean don ráhkistat. Gearddut dan vaikke čuođi geardde jos dat dárbu, vai dat vuojušii. Luoitte dan mii ii doaimma, oažžun dihtii dan maid háliidat. Ale darván oktageardánis čilgehusaide, muhto geavat giela, maiddái gorutgiela, čájehan dihtii sidjiide, geaid ráhkistat, ahte ráhkistat sin. Divtte sin dovdat ahte sii leat oassin dus ja du eallimis.
LEDJON 23/7-22/8
Šaddi mánnu ledjona mearkkas lea dutnje erenoamáš dehálaš. Dat addá inspirašuvnna ja hábmennávcca. Jos dovddat dárbbu buktit ovdan čábbodaga ja čájehit iežat, de čuovo dan impulssa. Dus lea olles mánnu du ovddabealde, mas čábbodaga ja liekkusvuođa ráhkadeapmi ja kreativitehta addá dutnje ilu ja mearkkašumi. Geavat dán vejolašvuođa.
BUHTISNIEIDA 23/8-22/9
Huma dan birra mii duođai mearkkaša juoidá. Leage dás singuin geat mearkkašit dutnje juoidá. Ale geavat áiggi oktageardánis duššiide, main boasttuipmirduvvon olmmošlašvuođain šattat earáid váldit vuhtii. Sáhttá maiddái leat buorre dutnje čohkat jaskatvuođas, nu ahte beasat dovdat maid don duođai dovddat ja dan mii dutnje lea deháleamos. Divtte oaivvi vuoiŋŋastit, ja dovdda ahte lea juoga stuorát ja maiddái bassi mainna sáhtát oažžut oktavuođa.
VIEHKAT 23/9-22/10
Muhtumin it sáhte leahkit ieš go šattat heivehit iežat earáid mielde. Dán vahkus lea buorre vejolašvuohta leahkit ieš go oktiiheivehat iežat earáiguin. Go don leat ovttas earáiguin, vuostehágu haga, de beasat čájehit gii don leat, nu ahte it deaivva vuostehágu. Ráhkisvuohta ii leat dat maid don barggat, muhto baicce gii don leat go servvoštalat earáiguin.
SKORPIUVDNA 23/10-21/11
Bargodilis dárbbahat orienterema ja reivdadit háltti go “eanadat” rievdá. Lea dehálaš leahkit rehálaš, muhto seammaš diplomáhtalaš, nu ahte áddehalat. Fertet čuovvut mielde erenoamážit dalle go humat olbmuiguin geain lea earálagan duogáš. Geahččal áddet maid sii oaivvildit ja dadjet, dan sadjái go geahččalit sin oažžut áddet du. Dalle beasat “čađa” ja áššit šaddet nu mo don sávat.
BÁHČČI 22/11-21/12
Juoga buorre lea álgime. Vuordde gulul ja ale geahččal gávnnahit mii dat lea, ovdal go dat boahtá. Ja dasa sáhttá mannat máŋga vahkku. Lea buorre muittašit ovddešáiggi iluid. Sáhtát maiddái čohkat ja návddašit áigumušaid boahtteáigái. Dál lea áigi suokkardallat ja čiekŋut, ja oažžut ođđa ipmárdusa. Viissisvuohta lea olámuttos. Raba uvssa ja váldde dan bures vuostá.
BÁKTEBOHKKÁ 22/12-19/1
Fuomáš mo don geavahat iežat fámu dán vahkkus. Jos leat eahpesihkar, de vuordde ja oainne ovdal go barggat maide. Son gii lea čeahppi, diehtá juste man olu fámu dárbbaha go galgá juoidá doaimmahit. Jos geavaha beare olu, de sáhttá orrot balddihahtti. Beare unnán dahka ahte ii mihkkige geava. Rievttes dahkku lohkko dál. Eai dat sánit maid geavahat. Go sánit eai reahke, de doala njálmmi ja bargga juoidá.
ČÁHCEOLMMÁI 20/1-18/2
Dán vahkkus eai leat teoriijat ja ideálat dehálaččat. Geahča gos don leat eallimis. Mas lea eanemus árvu ja mearkkašupmi? Mii lea dutnje čábbodat? Gean ráhkistat? Dohppe dan maid ráhkistat, ja bargga dainna áššiin juoidá. Čábbut máilmmi du birra. Dat dahká du eallima buorebun. Dat “boares” lea geargan, ja dat “ođđa” ii leat vel boahtán. Dat mii dus lea, leat don ieš nu mo don leat juste dál.
GUOLIT 19/2-20/3
Dál lea áigi juogadit du vásáhusaid earáiguin. Ovdanbuvtte iežat daid reaidduiguin mat leat olámuttos. Dat sáhttet leat musihkka, sánit, málen, gođđin, biebmoráhkadeapmi dahje juoga eará. Atte earáide vejolašvuođa oahppat dus. Jos ieš áiggut oahppat juoidá, de oza muhtuma gii máhttá dan, ja oahpa sus. Dát vahkku gáibida doaimma. Ale čohkká bađa alde ja vuordde movtta. Hástal eallima dánset.