Dál lea álddagasáigodat, ja de fertet dán muitit
60% visot álddagasvahágiin dáhpáhuvvet dáid vahkkuid.
Logut Finans Norges čajehit ahte guhtalogi proseantta álddagasvahágiin dáhpáhuvvet goalmmát kvartálas. Dat vahágat mákset logenar miljovnna juohke jagi. Sáhtat garvit vahágiid go álgá álddagastit, dadjá buollinekspearta Frende dáhkádusas, Øystein Øren. TV ja Pc leat dat mat dávjá billahuvvet.
Álddagas sáhttá billistit visot diŋggaid mat atnet el-rávnnji ja mat leat gitta seainnis. Dat mearkkaša ahte láddár mii lea gitta seainnis sáhttá billahuvvat vaikko mobiilatelefovdna ii leat ge das láddeme, dadjá buollinekspearta. Son ávžžuha olbmuid gaikkihit eret láddára go álddagastá.
Mobiilatelefovnnas lea unnán ávki jos láddár billahuvvá. Ii vissa ceavzze dat ge eambbo moadde diimmu ovdal el-rávdnji nohká. Frende buollinekspearttas leat maid eará rávvagat maid don berrešit čuovvut go álgá álddagastit: • Bijahit eanet suoji sikringaskábii
nu ahte sikringa ii doaimma šat
go bearehaga oažžu el-rávnnji.
• Geavat olgguldas láddára jus dárbbahat el-rávnnji
• Geavat mobiilaneahta
Dasa lassin lea dat dološ ráva gaikkihit el-čuggestagas eret visot mii atna el-rávnnji, dat buot buoremus jus galgá garvit vahágiid. Galmmihanskábiid gal ii ábut gaikkihit eret, de gal sáhttá borramuš billahuvvat, dadjá son.
Dá leat dat dávjjimus vahágat
Norgga dáhkádusfitnodagat ožžot juohke jagi olbmuin vahátáššiid go leat galmmihanskábet billahuvvan.
Leat ollu njálgga borramušat maid šaddá bálkestit álddagastima geažil, dadjá Øystein Øren. Elektrovnnalaš dávvirat billahuvvet dávjjimusat.
Buollinvahágat leat eanemus go lea álddagastán. Álddagastin iešguđet elektrovnnalaš dávviriidda lea juoga maid sáhtašii garvit jus beare muittášii leat várrogas, dadjá Øren
Álddagastináigodat álgá dál
Dáhkádus fitnodagat leat gergosat dustet vahágiid maid álddagastin daguha.
Suoidnemánus, borgemánus ja čakčamánus lassánit hui ollu vahágat maid álddgas daguha, ja 80 % daid vahágiin bohtet midjiide čakčageasi ja čakčat, dadjá Øystein Øren, Frende dáhkádusfitnodagas.
Gokčojuvvojit dáhkadusain
Jus du dávvirat billahuvvet dahje bullet álddagastima dihte, de dat gokčojuvvojit dávvirdáhkadusain mii lea viesso- ja bartadáhkadusas.