Buollinsorbmi basadanlatnjabosonis
Diibmá sáddii Flexit váruhusa dáluide Norggas, mas dáhtto buktit boares veršuvnna basadanlatnjabosona Silent Eco ruovttoluotta maŋŋel go muhtin bosonat buollájedje.
Liikká go lea viidát dáhtton buktit ruovttoluotta, de leat ain máŋga bosona mat eai leat dolvojuvvon ruovttoluotta. Flexit hálddahusdirektevra dadjá ahte váruhus ferte váldot duođalaččat. Boson ii galgga geavahuvvot. Geahča danin makkár boson dus lea basadanlanjas nu jođánit go lea vejolaš. Jos lea dakkár boson, de galggat jáddadit elrávnnji bosonii ja sihtat elektrihkkara váldit eret, dadjá Flexit hálddahusdirektevra Knut Skogstad. Liikká go ii leat leamašan buollin nu galle bosonis ja ekspearttat eai leat gávdnan boasttuvuođaid, de ii leat sivva diktit orrut. Sádden 2,3 miljovnna reivve Mii diehtit beare galle basadanlatnjabosona mii leat vuovdán, muhto eat geasa. Danin leat sádden sullii 2,3 miljovnna reivve mas mii dáhttut buktit bosoniid ruovttoluotta, dadjá Skogstad. Leat vuovdán sullii 75 000 basadanlatnjabosona, ja ođđa muittihemiin sávvat ahte sis geain lea dakkár boson ruovttus, buktet ruovttoluotta.
Jáddat bosona ovttatmano, ja oaččo elektrihkkara váldit eret bosona. Mii addit ođđa, dadjá Skogstad.