Oavttir fárus SAGIRDIS
ggusvuohta. Beaivet galget doaktárat barggus Girkonjárgga buohcceviesu anestesiijaossodagas, seammás go reasta jándora leat sii gearggusvuođas go leat ruovttus.
Jođáneappot árvvoštallat
Dat ođđa olahus mii dán vahkku álggahuvvui Girkonjárgga stašuvnnas gos Babcockas lea okta girdi, lea oanehaččat čilgejuvvon ahte Finnmárkku pasieanttaide buorrána fálaldat, earenoamážit Nuorta-finnmárkku bealis.
Girkonjárgga buohcciviesu Fáhkkabuohcciossodaga jođiheaddji Geir Braathu lohká váktaortnega mielddisbuktit ahte seastit ollu áiggi, dan dihte go sáhttet girdit pasieanttaid njuolga rievttes divššodanbáikái.
– Midjiide nannejuvvo gelbbolašvuohta girdis, ja pasieanttaid dilli árvvoštallojuvvo sihkkareappot, go fertejit girdit pasieanttaid geain leat traumat, dahje pasieanttat geat dárbbašit dálkkaslaš divššu Girkonjárggas, Hámmárfeasttas dahje Romssas, dadjá Braathu.
Anestesiijadoaktárat sáhttet maid leat resursan báikkálaš ambulánsabálvalussii earret go leat girdiambulánsadoaimmas.
Viđas barggus
Oktiibuot leat vihtta doaktára geain leat vuorut girdiambulánssas. Lassin dasa go pasieanttat geaid galget girdit ja sáhttet gelbbolaš divššu oažžut báikkis, de oaivvildeaba Kvalsvik ja Brrathu ahte ortnet maid lea positiiva suohkaniid váldodearvvašvuođabálvalussii.
– Muhtin pasieanttaide lei nu ahte jus váldodoaktárat galggaše sáddet pasieanttaid árabut, de fertejedje ieža leat mielde mátkkis. Báikki doavttir šattai de guođđit iežas bargobáikki. Dan eai dárbbaš dahkat dál, go árgabeaivi buorrána buohccedivššáriidda geat leat mielde girdis, lohká Kvalsvik preassadieđáhusas.
– Suohkandoaktárat leat dávjá okto barggus, eai ge sii leat ruovttus fas ovdal go olu diimmut leat golihan. Anestesiijadoavttir lea guhkit áigge leamaš sávaldahkan, lohká son.