Vuoitit boađáše fas Guovdageidnui
Joavku lohká sis lea hirbmat somás vahkkoloahppa leamaš.
Dievdduid finálas deaivvadedje Sambaklubben Smikkesmukk ja Kaffe & Cigg FC. Finálas boađus šattai 0-1 Sambaklubben Smikkesmukkii.
Joavku lei boahtán Romssas searvat Ávvir cupii, ja sii ledje ge hirbmat duhtavaččat vuoittuin. Molssodanlanjas gullui ávvučuorvun ja giehtaspeažžun, ja vuhttui bures ahte joavku lea garrasit čiekčan finálas.
– Dat manai hirbmat bures, ja lei garra gilvu, muhto hui buorre čiekčan, dadjá Johannes Dragøy.
Oallugat ledje ovdagihtii jáhkkán ahte Sambaklubben Smikkesmukk beassá gitta finálii, ja joavkku čiekčit leat movttegat go manai nu movt lei einnostuvvon.
– Mii lea issoras movttegat dál gal, lohká Johannes Dragøy. Eará čiekčit joavkkus leat ovttaoaivilis ja buohkat leat duhtavaččat cupain.
– Dát lea hui somás cupa leamašan, lea hirbmat somá leamaš čiekčat ja mii leat ollislaččat hui duhtavaččat. Lean oalle sihkar ahte mii boahtit deike boahtte jagi maid, dadjala Sindre Eggen.