BUSTEN
Son lei ovdagihtii mearridan ahte šierttát leat ovttežat, diillat guvttežat ja luovrrat leat ruossat. De rohttegođii son stohkas ovtta ja ovtta goartta ja čálii loguid kupoŋŋii. Nu šadde hiluid háluid logut ja ruossat, ja buot orui manname hui bures. – Eai dáidde gávdnot buoret listtut sis geat aviissat vigget einnostit, jurddašii son.
Go gearggai, de čálii son vel namas hui čábbát dasa. – Dál besset oaidnit váldokantuvrras ahte dá lea bánni geas sihke systema ja nammačállin lea ortnegis. – Gal sii sihkkarit heammástuvvet go oidnet ahte vuosttašvuoitu galgá mannat Vággái.