HOROSKOHPA - boahtte vahkku
FIERCA 21/3-19/4
Dál lea jaskadit áigodat. Návddaš áigodaga dan botta go dat bistá. Gasku vahkku soaittát dovdat iežat veahá váiban. Lea de ortnegis váldit bottu ja iežas dikšut. Minddar lea dál fiinna romantihkalaš áigodat, ja jus dus lea guoibmi, de gohkke son dutnje. Don beroštat maid dál spirituála áššiin, ja logat alternatiiva girjjálašvuođa suffás eahkediid. Dán vahkku sátni: Čálgu!
VUOKSÁ 20/4-21/5
Dus lea dál duođaid hušša. Hušas áigi bargoeallimis joatká. Dat lea maid buorre, jus fal muittát váldit gaskkohagaid vuoiŋŋastanbottuid. Rumašlaš dikšun, nu go ruvven ja aromaterapiija, veahkeha. Lassin go don barggat garrasit, de oaččut maid ođđa vejolašvuođaid. Várra oaččut hirpmástuhtti fálaldaga eará bargoaddis? Dán vahkku sátni: Sukseassa!
JUMEŽAT 21/5-21/6
Dus lea dál alla intellektuála dássi. don sáhtát báidnit birrasa iežat sátnedáidduin. Várut fal ahte dus leat duohta sánit! Ja vuogas. Dus lea hušša barggus, ja muhtumat dis váldibehtet barggu – dahje bargodihtora – maid ruoktot. Don leat sosiála, sihke online ja ustibiiguin gávpogis. Ráhkisvuohta lea liekkus.
Dán vahkku sátni: Leksikona!
REABBÁ 22/6-22/7
Dán áigodaga lea ain fokus ovttasbargui. Go don veahkehat earáid, de lea dat dutnje maid ávkin. Dat guoská dieđusge maid sihke spirituála ja ávnnaslaš beallái. Du guoibmi doaimmaha bures ruhtaáššiid. dál lea maid vuogas áigi ordnet dáhkádusaid, seastinplánaid ja testameanttaid. Vahkkoloahpas ráđđe romantihkka.
Dán vahkku sátni: Plánen!
LEDJON 23/7-22/8
Eanas Ledjonat ožžot dál duon ja dán. Dus lea sihke hušša ja lihkku barggus. Oktavuođat olgoriikii orrot dál dehálaččat. Várra leat don mátkkis riikkain guhkkin eret. Ekonomiija lea maid buorre. Dus lea ain dán jagi buoremus áigodagas sihke ráhkisvuođa ja sosiála eallima dáfus. Várra heive Romái vuolgit boahtte vahkkoloahpa?
Dán vahkku sátni: Geahppasaddan
BUHTISNIEIDA 23/8-22/9
Dutnje liikojit dál olbmot ja lea bivnnut. Hoavda diehtá geasa son galgá riŋget go dárbbaša áššedovdi. Eanas Buhtisnieiddat ožžot sielu ráfi go besset earáid veahkehit. Go dus lea friddja, de suohtastalat don ustibiiguin ja buotahkásaš mánáiguin. Romantihkka lea buorre sihke oktonas olbmuide ja sidjiide geain guoibmi lea.
Dán vahkku sátni: Nástelužas!
VIEHKAT 23/9-22/10
Dus leat olu attáldagat, ja dál lihkostuvat das man hutkkálaččat don ovdanbuvttát muhtun prošeavtta. Dus lea lihkku. Don sáhtát rievdadit čuolmmaid sosiálalaččat buorrin mii lea ávkin eanetlohkui. Eahpečielga ideála? Don leat maid aktiiva ustibiiguin ja fidnomáhtolaš joavkkuin. Váldde fal gulul go dárbbahat vuoiŋŋastit.
Dán vahkku sátni: Inspirašuvdna!
SKORPIUVDNA 23/10-21/11
dál lea positiiva treanda mas sáhtát ovdánit. Lea stuora vejolašvuohta ahte don oaččut nu go ieš háliidat. Lea buorre ruhtadilli ja don dinet bures barggus. Don leat sakka doaimmalaš dál ja bohtosat maid de bohtet. Don geavahat maid ruđa go geahččalattat iešguđet dearvvašvuođaáđaiguin ja rutiinnaiguin. Luohte alccet. dán vahkku sátni: Iđitguovssu!
BÁHČČI 22/11-21/12
Kosmihkalaš energiijat váikkuhit ain du ruhtadili. Dat lea buorre nu guhká go don garvvát spekulašuvnnaid. Barggus lea dál unnit hušša. Várra sáhtát dán vahkku ruovttukantuvrras bargat? Dál beroštat don eanet bearrašis ja ruovttus. Čohkkádit suffás, juhkat ovtta láse ruksesviinna ja lohkat filosofalaš girjji lea dat mii dál geasuha.
Dán vahkku sátni: Ruovttu illu!
BÁKTEBOHKKÁ 22/12-19/1
Lea ain buorre dearvvašvuohta ja energiija. Buorre dearvvašvuohta lea riggodat mas dávjá lea eanet árvu go ruđas. Spritituála dálkkodeapmi, nu go omd. Reiki, lea buorre dutnje. Bargoeallin lea veahá duvdiluvvon iige váldde nu olu saji dál. Sii geain lea guoibmi leat duhtavaččat. Oktonas olbmot suohtastallet gávpogis geatnegasvuođaid haga.
Dán vahkku sátni: Du geaidnu!
ČÁHCEOLMMÁI 20/1-18/2
Don mearridat ain eanas iežat eallimis dán vahkku. Dál lea vuogas áigi udnot alccet rumašlaš divššu, omd. ruvvema. Rupmaša ferte dikšut vai oaččut eanet eallimis! Dál lea spirituála bealli maid fokusis. Romantihkka lea ain hui buori áigodagas. Lea buorre dearvvašvuohta ja energiija.
Dán vahkku sátni: Riegádanbeaivi!
GUOLIT 19/2-20/3
Vahkku álgu manná buoremusat jus don ordnet áššiid ieš. Muitte ahte dat maid ieš doaimmahat, dat lea buoremus. Karrieara leahttu lea dál veahá njoahcume. Liikká leat don dál hui sosiála áigodagas. Lea veahkkin karrierii jus oassálasttát rievttes čoagganemiin. Go de feasta nohká, de muitte fal vuoiŋŋastit.
Dán vahkku sátni:
Juo, don máhtát!