22 iskosa Skjoldas ledje negatiivvat
Suodjalus dieđiha ahte dat 22 koronaiskosa Skjoldas leat negatiivvat.
Suodjalus dieđiha neahttasiiddus ahte dan 22 koronaiskosis ii čájehuvvo ovttasge koronadávda.
Skjold leairra báikkálaš hoavda lohká ahte siivvožit heaittihit errema sidjiide geat eai leat leamaš lahka su geasa dávda lea njommon. 150 olbmo jotket errema.
Soahteveahka čuovvu mielde koronadili buot ossodagain, ja bidjá johtui dárbbašlaš doaimmaid dađistaga ovttas Álbmotdearvvašvuođainstituhtain, suohkana dearvvašvuođaeiseválddiin ja Suodjalusa sanitehtain.
Skjold militearaleaira lea Romssas gos Cold Response oasseváldit ásset dál. Doppe leat soahteveaga 2. bataljuvdna ja inšenevrabataljuvdna .
Lei duorastaga njukčamánu 5. beaivvi diibmu 16.40 mannan vahkku, go duođaštuvvui ahte ovtta olbmos lea koronaiskkus positiiva. Sus eai leat leamaš dávdadovdomearkkat, dieđiha Suodjalus.