Eu-prošeavttain lasihit máhtu SÁMIID BIRRA EUROHPAS
Olu mearrádusat mat dahkkojit alimus Eu-dásis váikkuhit maid sápmelaččaide. Dal galgá ođđa prošeakta deavdit váilevaš máhtu sámiid birra Eu-dásis. Sámiráđi prošeaktajođiheaddji Niila Inga jođihišgoahtá golbma jahkásaš prošeavtta «Filling the Sápmi-eu know
hpaparlameantta ja eará EU institušuvnnaid.
Lahkonišgoahtit EU
Sámiráđi prošeaktajođiheaddji Niila Inga lohká ahte sis lea čielga ulbmil gos galget oahpahit EU parlamentarihkkariid ja kommisionearaid ja sávvamis dat ožžot buori ipmárdusa ja dat mearrádusat maid dahket doppe Eu-váldokantuvrras sáhttet rievdaduvvot
– Ja váikkohit maid ahte boahttevaš mearrádusat mait váikkuhit sámiid sii mearridit go sis lea buoret ipmárdus sámiid birra, sámiid árgabeaivvi ja ealáhusaid dadjá Inga. Go sin mearrádusat váikkohit min ja Norgga maid vaikko sii eai leat mielde EU:S.
Son sávvá ahte eanet Eu-doarjja boađálii buorrin sámiide:
– Mii diehtit EU:S lea olu ruhta ja go geahččá dan prošeavtta ohcamušaid de lea oalle unnán mii bohtá sámiide ja sámi doaimmaide, go mii leat miellahttut de mii galgat oažžot nu olu buriid go sáhttit, dadjá Inga.
Sámi vahkku Brusselis 2022
Filling the Sápmi-eu knowledge gaps prošeaktaáigodagas áigot maid lágidit Sámi vahkku Brusselis.
Sámi vahkus galget leat bargobájit mas leat sihke Eu-parlamentarihkkarat, Eu-kommišuvdna ja eará olbmot Brusselis. Mii boahtit maid váldit Sámi áššedovdiid mielde Brusselii, muitalii Elle Merete Omma Sámiráđi Eu-ossodaga jođiheaddji Ávvirii.
– Dat han lea 2022:s nu ahte mis lea veaháš áigi plánet dan, ja leat maid rábas oaiviladdimiidda sámi servodagas. Smiehttat ahte bohtet leat kultuvrralaš guoimmuheamit, doalut, čájálmasat, diehtojuohkin, biebmu, filbmačájálmas nu ahte čájeha sámi kultuvrra valljivuođa ja maiddái ahte beassá bidjat sámi váttisvuođaid agendai, muitala Omma. Oktiibuot 10 miljovnna máksá prošeakta.
Prošeavtta ruhtadeaddjit lea Interreg Nord EU, Norgga Sámediggi, Region Norrbotten, Region Västerbotten, Romssa ja Finnmárkku fylkkagielda ja Lapin Liitto.