HOROSKOHPA - boahtte vahkku
FIERCA 21/3-19/4
Dus váilu várra veahá ovdáneapmi álggus vahkku. Gal dat nohká jođánit, g dus han lea buorre dearvvašvuohta ja energiija. Ođđa vejolašvuođat ilbmet bargoeallimis gasku vahkku. Dus lea ain fokus ruđalaš dillái. Du attáldagat gulahallama dáfus leat veahkkin ruhtadillái. Romantihkka lea fiinnis ja gieris sánit lasihit intimitehta.
Dán vahkku sátni:
Leage gearggus!
VUOKSÁ 20/4-21/5
Álggus vahkku skillet ruđat du ruhtabursii. Daid geavahat don iežat ruktui. Dahje bearrašii. Ávnnaslaš árvvut leat dehálaččat dutnje dál. Bargoeallin lea dál fokusis ja dus lea buorre ovdáneapmi. Du mielas orru ráhkisvuohta manname njozet. Dat ii daga maidege, go geatnegahtekeahtes geahppasaddan lea maid fiinnis.
Dán vahkku sátni: Lihkku!
JUMEŽAT 21/5-21/6
Spirituála vuoigŋa lea garas olles vahkku. Dus lea rádároaidnu ja ipmirdat dan mii dáhpáhuvvá čihkosis. Beaivválaš bargu manná njoazibut. Ustibat leat dutnje veahkkin. Liikká lea dus buorre ruhtadilli. Superláđasmánnu miessemánu 7. beaivvi lea buorre du ruhtaáššiide. Bija maid veahá seastinkontui. Ráhkisvuohta lea hipmui.
Dán vahkku sátni: Gamut!
REABBÁ 22/6-22/7
Dus lea dál buorre áigodat ruhtadili dáfus. Don soaittát maid iežat váhnemiin oažžut liigeveahki, dahje muhtun vuoras olbmos iežat birrasis. Don leat ain aktiiva ustibiid ja joavkkuid searvvis. Du mánnái, jus leat, sáhttá lihkku ruđaid dáfus. Liigeruhta dahje juogalágan liigebargu? Dán vahkku sátni: Resurssat!
LEDJON 23/7-22/8
Dál geahččalat don ođđa geainnuid iežat karriearas. Ođđa barggut, ođđa vuogit ja várra don leat ožžon ođđa ovddasvástádussuorggi. Dat orru lihkostuvvame, ja don inspireret iežat bargoustibiid. Ruhtadilli lea buorre. Romantihkas soaittát don beare olu jurddašit iežat birra. ferte soabadit vai manná buorebut.
Dán vahkku sátni:
Leage olmmošaddjái!
BUHTISNIEIDA 23/8-22/9
Vahkku álggus lea dus váikkuhanfápmu. Sátni rievttes bealljái sáhttá rahpat uvssaid. Dus lea maid dál beroštupmi vuoiŋŋalaš bargguin. Du bargoeallin orru dál čadnon oahpahussii ja olgoriikii. Dál beasat plánet mátkki. Muitte fal leat čielggas buot gulahallamiin. Ođđa inspirašuvdna maid ilbmá ruhtadili dáfus.
Dán vahkku sátni:
Dohppe vejolašvuođa!
VIEHKAT 23/9-22/10
Álggus vahkku sáhtát don olahit olu. Dus lea buorre iešluohttámuš. Lea buorre dearvvašvuohta ja energiija nu jus fal it liiggástala. Ruhtaáššit orrot njozet manname. Dál lea vuogas áigi dárkkistit rehketbihtáid leat go riekta. Ieš leat don suokkardandásis. Don ražastat maid intellektuála dásis vai olahat iežat mihtuid.
Dán vahkku sátni: Suokkardeaddji!
SKORPIUVDNA 23/10-21/11
Romantihkka lea somá. Dál sáhtát jorahit áibbas earálágan olbmuid geaidda ovdal eai livčče geasuhan du. geatnegahtekeahttá suohtastallan manná fiidnát, muhto ale mearrit maidege. Bargoeallimis manná nu go dábálaččat ja lea positiiva gulahallan. Muhtumat dis váldibehtet ruovttukantuvrra atnui dán vahkku. Ruhtadiliin manná bures. Dán vahkku sátni: Heammástus!
BÁHČČI 22/11-21/12
Dus lea ain nanu ruhtadilli. Dus lea persovnnalaš fokus minusii ja plussii. Beaivválaš bargu manná bures. Lea hávskes miellaláhki barggus ja bargoustibiin. Dearvvašvuohta ja energiija lea maid balánssas. Lagabui vahkkoloahpa fertet čuovvut iežat oskku. Luohte alccet, go dat lea riekta.
Dán vahkku sátni: Gamut!
BÁKTEBOHKKÁ 22/12-19/1
Lea buorre dearvvašvuohta ja energiija dál. Don dovddat ahte doaimmahat olu. Du sosiála attáldagat leat dál fokusis ja don suokkardat ođđa suohtastallanlávddiid. Don geavahat maid ruđa guoimmuheapmái. Bargoeallimis lea hušša. Ođđa barggut, maid áinnas háliidat, sáhttet ilbmat dál. Dan don gal nagodat!
Dán vahkku sátni: Dan ánssášat!
ČÁHCEOLMMÁI 20/1-18/2
Dus lea ain olu energiija dán vahkku, ja masa dan geavahat? Gárvvis bargguid mat dus leat ruovttus. Buorit vejolašvuođat karriearas sáhttet dál ilbmat. Liikká, ale mearrit maidege dál. Fertet dárkilit iskat. Jus dovddat ahte juoga lea boastut, de lea dasa maid ágga. Luohte iežat gamuide.
Dán vahkku sátni: Dáluhas!
GUOLIT 19/2-20/3
Bargoeallimis lea juohkelágan gulahallan guovddážis. Guolit geat barget medias, márkanastimis, oahpahusas jna. dahket buori barggu. Dat guoská earenoamážit neahttabáikkiide. Seammás leat don ieš veahá eanet jurddašeaddji. Ruovttu buorit geasuhit du dušše naffát suffás ja lohkat girjji.
Dán vahkku sátni: Sátnerikkis!