Eai sáhte duođaštit identitehta jápmán olbmos Hámmárfeasttas
HÁMMÁRFEASTA: Jápmán olmmoš gávdnui Hámmárfeasttas ja politiijat eai sáhtte vel duođaštit olbmos identitehta.
Finnmárkku politiijat eai leat ožžon duođaštuvvot identitehta albmás gii lea gávdnon hámmanáldásis Hámmárfeasttas mannan vuossárgga eahkeda.
– Mis lea okta konkrehta namma gii dát olmmoš sáhttá leat, muhto identitehta ii leat duođaštuvvon, dieđihit politiijat preassadieđáhusas.
Dutkamin ášši
Politiijat leat leamaš olbmo orrunbáikkis ja eai leat ožžon oktavuođa. Almmái lei galgat odne, maŋŋebárgga miessemánu 26.beaivve, leat barggus, muhto ii boahtán bargui.
– Politiijat dutket dál ášši viidát sihke taktihkalaččat ja teknihkalaččat vuoi sáhttet duođaštit identitehta ja mii geavai ovdal go jámi, dieđiha politiijaadvokáhta Eve Kristine Remmen Finnmárkku politiijaguovllus.
Jápmán álbmá sáddejit rumašiskosii.