Kárášjoga girjerájus rahppo fas
KÁRÁŠJOHKA: Ráddjejuvvon fálaldagain rahppo girjerájus fas geassemánu 2. beaivvi.
Kárášjoga gielda dieđiha ahte sii rahpet fas girjerádjosa geassemánu nuppi beaivvi rájes. Girjerájus lea rabas mánnodagas duorastahkii ja doppe leat ásahuvvon geavahannjuolggadusat eastadan dihte korona njoammuma.
Earret eará lea sávaldat ahte olbmot eai leat girjerádjosis eanet go 15 minuhta ja dušše vihtta olbmo sáhttet leat doppe oktanis.
Sii sihtet maid olbmui máhcahit girjjiid kássaide mat leat uvssa olggobealde ja girjjiid sáhttá várret e-poastta, telefovnna dahje girjerádjosa neahttakataloga bokte.