Giddagasat rahpet fas uvssaid gussiide
Dal besset Norgga giddagasa fáŋggat fas deaivvadit iežaset lagas olbmuiguin, muhto kriminálafuolahus sáhttá gieldit guossástallama jus lea njoammunvárra, dahje jus giddagasain lea alla buozalmasjávkan.
Justiisa- ja gearggusvuođaministtar Monica Maeland muitala preassadieđáhusas ahte kriminálafuolahus ferte árvvoštallat konkrehtalaččat eaŋkiláššiin lea go dárbu gieldit ássiid oažžumis gussiid.
Gaskaboddosaš lága fámohuhttet skábmamánu 1. beaivvi. Láhka guoská giddagasaid guossástallamii, elektrovnnalaš dárkkistusdoaibmabijuid geahččalanáiggi oktavuođas ja ráŋggáštusbotkemii jus kriminálafuolahus gáibida dan.
Jus ii sáhte guossástallat, de galgá kriminálafuolahus láhčit nu ahte ássit besset doallat oktavuođa bearrašiin ja lagas olbmuiguin digitála vehkiin. (©NTB)