– Mis lea BÁIKKÁLAŠ GILVU
Guovdageainnu ja Kárášjoga gaskka lea dušše 13 miilla, muhto liikká lea boaldámušhatti erohus lahka 5 ruvnno lihtteris.
Mannan lávvordaga lei diesel- ja bensinhaddi earenomáš vuollin Guovdageainnus, diesel mávssii 10 ruvnno ja bensiidna 12 ruvnno. Ránnjásuohkanis, Kárášjogas, lei diesel ja bensiidna measta vihtta ruvnno divrasit.
Vaikko dál eai leat boaldámušhattit Guovdageainnus nie vuollin go ledje mannan lávvordaga, de leat aŋkke vuollin Kárášjoga boaldámušhattiid ektui.
Circle K gulahallanhoavda Knut Hilmas Hansen lohká had
deerohusaid boahtit báikkálaš gilvvu dihte.
Guovdageainnus leat golbma stašuvnna gos sáhttá boaldámuša oastit. Kárášjogas ges leat guokte, muhto Kárášjogas sáhttá maid vuodjit suoma beallái oastit boaldámuša, earret dieđusge dál go rádji lea gitta korona geažil.
– Mu mielas leat hattit badjin
Kárášjoga Circle K stašuvnna hoavda Albrigt Rasmussen lohká iežas mielas maid hattiid beare badjin.
– Juohke beaivvi dieđihan mun sisa min gilvaleddjiid hattiid, ja jus mun ieš beasašin mearridit hattiid, de livččen bidjan viđa ruvdnui boaldámušhatti, dadjá Rasmussen ja lasiha:
– Doppe máddin hálddašit hattiid mat mis galget, in ge mun. Mu mielas gal leat mis beare badjin hattit eará báikkiid ektui.
Rasmussen lohká iežas geahččalan gulahallat Circle K hoavddaiguin máddin eai vuolit hattiid, muhto ii loga iežas ožžon buori vástádusa dasa.
– Vaikko lean geahččalan gulahallat hoavddaiguin máddin, de in jáhke hattiid gahččat ovdal go ođđa gilvaleaddji boahtá, muitala Rasmussen.
Ođđa bumpenstašuvdna
Ávvir humadii mašiidnaentreprenevrrain Johan Samuel Nedrejordain ja son lohká leat váivin go nu badjin leat hattit.
– Mun sávan Kárášjohkii boađášii ođđa boaldámušstašuvd
na go mun jáhkán hattit gahččagoađáše de, go dat ođđa bumpestašuvdna deattášii vulos daid hattiid mat dál leat, dadjá Nedrejord.
Maŋemus áiggiid leat hattit leamaš vuollin
Guovdageainnu Circle K hoavda Jørn Erik Furuly muitala ahte sis lea báikkálaš haddegilvu.
– Mis lea báikkálaš boaldámušhaddegilvu, muhtumin leat hattit badjin ja muhtumin leat vuollin. Maŋemus áiggiid leat mis leamaš vuollin hattit, ja dat lea dagahan ahte kundarat lea duhtavaččat, dadjá Furuly.
Furuly muitala ahte son barggai máŋga jagi oažžut hattiid gahččat veahá, muhto maŋŋel go goalmmát boaldámušstašuvdna bođii, de šattai álkibun deaddit hattit
vulos, juste báikkálaš gilvvu dihte.
Báikkálaš gilvu
Knut Hilmar Hansen lea Circle K gulahallanhoavda, ja son lohká báikkálaš gilvvu leat sivvan manne Guovdageainnus leat nu vuollin hattit.
– Maŋemus vahkkuid ja mánuid leat mii oaidnán stuora haddemolsašumi gávpogiid, márkaniid, suohkaniid, fylkkaid ja regiovnnaid gaskka, ja lea juste báikkálaš gilvu mii addá dakkár molsašumi, dadjá Hansen.
Gilvovuoimmálaš hattit
– Circle K stašuvnnain galget gilvovuoimmálaš hattit lagasbirrasis. Min stašuvnnat atnet olu áiggi ja resurssaid mátkkoštit birra ja