– LEA ILLUSÁHKA SÁMI ALLASKUVLII
Sámi allaskuvla oažžu logi ođđa oahpposaji ja ovtta ođđa rekrutterenvirggi allaskuvlii.
Sámi allaskuvla ozai cuoŋománus Máhttodepartemeanttas ruhtadeami vai beasašii liigeoahpposajiid fállat sámegiela álgokursii. Álgokurssat lea bivnnuhis oahppofálaldat Sámi allaskuvllas, gos dároja eará amasgielagat ožžot vejolašvuođa oahppat sámegiela allaskuvladásis. Dán ohppui leat juohke jagi ollu ohccit, ja oahpus leat dán rádjái leamaš dušše 15 oahpposaji.
Dál lea ráđđehus almmuhan ahte sii ruhtadit logi ođđa oahpposaji sámegiela álgokursii.
Lassin oahpposajiide oažžu allaskuvla vel ovtta ođđa stipendiáhttavirggi. Rektor Laila Susanne Vars lohká dán leat illusáhkan go besset fállat eaneubuidda sámegielaoahpahusa.
– Mii diehtit ahte leat ollu rávisolbmot geat háliidivčče oahppat davvisámegiela, ja dál beassat mii fállat oktiibuot 25 studentii oahpposaji álgokurssas. Allaskuvla háliida nannet álgooahpahusa, go mii diehtit doppe leat maid ollu sápmelaččat geat háliidivčče oahppat giela man eai soaitte beassan oahppat ruovttus. Dat lea fas buorrin sámi servvodahkii, go sámegielmáhttu addá ollu oahppoja bargovejolašvuođaid studeanttaide, dadjá Vars preassadieđáhusas.
Sámegiela stipendiáhttavirgi
Ráđđehus lea maid juolludan ovtta ođđa rekrutterenvirggi (stipendiáhta) Sámi allaskuvlii. Sámi allaskuvla lea ge áidna oahppoásahus gos lea vejolaš váldit sámegiela álgokursadásis gitta doavttergrádadássái. Sámi allaskuvllas leat dál logi stipendiáhtavirggi sámegiela ja girjjálašvuođa doavttergrádaprográmmas, ja dál ožžot vel ovtta virggi man bokte sáhttet nannet sámegielas fágabirrasa.
– Sámi allaskuvllas lea stuorebuš stipendiáhttajoavku mas leat eanas nuorra dutkit geat leat min ásahusa boahtteáigi. Mis lea áigumuš ahte dát nuorra dutkit bissot
KÁRÁŠJOHKA
Bearjadat
Sotnabeaivi
GUOVDAGEAIDNU
Bearjadat
Lávvardat
Sotnabeaivi
PORSÁŊGU
Bearjadat allaskuvllas ja jotket dutkamiin ja dakko bokte nannejit min sámegiel fágabirrasa vai allaskuvllas bissu alla dássi min oahpahusas. Mis livččii áigumuš eanet sámi nuoraid movttiidahttit dutkat, ja dát virgi addá ge midjiide vejolašvuođa nannet allaskuvlla dutkandoaimmaid, loahpaha Sámi allaskuvlla rektor Laila Susanne Vars.
Duogáš
Máhttodepartemeantta dieđuid mielde leat dán jagi earenoamáš ollu ohccit allaskuvllaide ja universitehtaide, ja ráđđehus lea vuoruhan rahpat 4000 ođđa oahpposaji dakkár fágasurggiin maid servodat dárbbaša boahtteáiggis. Eaktun oažžut ođđa oahpposajiid lea ahte oahpahus sáhttá álggahuvvot 2020 čavčča. Sámegiela
AVVIL
Bearjadat
Lávvardat
HEAHTTÁ
Bearjadat
Lávvardat
ROMSA
Bearjadat álgoohppui ledje 2020 giđa 45 ohcci 15 oahpposadjái, ja dál oažžu allaskuvla fállat 25 ohccái oahpposaji.