Niegada vuoitit gilvvu JA EALLIT MUSIHKAIN
Sunna Máret Utsi niehku lea musihkain ovddidit ja seailluhit sámegiela. Dál lea son searván nationála musihkkagilvui , Musikkprisen 2020, iežas lávlagiin “Amas geaidnu”. Ii leat vuohččan go Utsi searvá dákkár gilvui.
Guovdageaidnulaš Sunna Máret Utsi searvvai jagi 2019:s dakkáraš gilvui, ja dalle ledje moadde eará sámi musihkkara maid mielde dan gilvvus. Dál muitala Utsi ahte son lea áidna sámi artista gii dán jagi lea searván sámi musihkain.
Buorre vejolašvuohta ovddidit iežas musihka
Utsi muitala ahte sutnje lea dehálaš beassat ovddidit sámi musihka, ja dat leige okta ágga manne son searvvai dán gilvui. Musikkprisen 2020 gilvvus besset guldaleaddjit jienastit dán musihka masa sii liikojit, neahta bokte, ja Utsi savášii ge ahte su musihkka geasuha guldaleddjiid.
– Dá lea buorre vejolašvuohta buohkaide beassat ovddidit iežaset musihka ja lávlagiid, ja maiddai oažžut earáid guldalit min musihka.
Ii bala searvámis dakkár gilvui
Su mielas orui dát gilvu hui miellagiddevaš, ja nu de gárttai ge ahte háliida sáddet iežas lávlaga gilvui. Váikko gilvvus leat eanas dárogielat ja eŋgelas musihkat, de dat lihkká ii baldde su searvamis sámi musihkain dakkár gilvui.
– Mu mielas lea dehálaš ahte sámi musihkka gullo. Háliidan musihkain ovddidit ja seailluhit sámegiela, ja dá lea buorre vejolašvuohta dán dahkat. Mu mielas lea hui buorre márkanfievrridit iežas. Mus leat dušše sámegielat musihkat, go dat lea buot lunddolaččamus munnje.
Stuora niehku musihkain eallit
Artistaeallin lea Sunna Máreha stuora niehku. Son muitala ahte sus leat ollu sávaldagat musihkain, go musihkain sáhttá earret eará veahkehit earáid maid.
– Musihkain sáhtášin earáide addit dán seamma dovddu maid mun láven oaččut go mu stuora idolat ráhkadit ođđa musihkaid maidda mun liikon hui bures.
Stuora niehku almmuhit skearru
Utsi šávašii dieđusge vuoitit dán
KÁRÁŠJOHKA
Gaskavahkku
GUOVDAGEAIDNU
Gaskavahkku Duorastat
PORSÁŊGU
Gaskavahkku gilvvu, muhto niehku livčče maid beassat golmma buoremusa searvái. Son lea aittoládje ožžon Tono-stipeandda, muhto dainna ii loga vejolažžan álmmuhit skearru. Muhto jus vuoittášii dán gilvvu, dalle livčče stuorat vejolašvuohta skearru álmmuhit.
– Mus ii leat nu stuora jáhkku ahte mun vuoittán, muhto livčče dieđusge oba somá vuoitit gilvvu. Dát attášii buriid vejolašvuođaid ovdánit musihkain. Mus eai leat makkárge stuora vuordámušat gilvui, olbmot ožžot jienastit dán musihka masa liikojit. Muhto livčče somá jus olbmot háliidivčče
ÁLTÁ
Gaskavahkku
Duorastat
DEATNU/OHCEJOHKA
Gaskavahkku Duorastat
ČÁHCESUOLU
Gaskavahkku
Duorastat gullat eambbo sámi musihka.
Savášii eambbo sámi musihkaid searvat gilvui
Utsi mielas livčče somá jus eambbosat sámis searvvaše dakkár gilvvuide sámegielat musihkain, gos olles riikka beassá gullat sin musihka. Son doivvošii ahte dalle sámi musihkka šattašii vel eambbo dovddusin jus eambbosat servet dákkár gilvui.
– Soaitá vel nu ahte sámi musihkka vuoittášii Musikkprisengilvvu jus olu sámi musihkat leat mielde gilvvus, loahpaha Sunna Máret.
AVVIL
Gaskavahkku
Duorastat
HEAHTTÁ
Gaskavahkku Duorastat
ROMSA
Gaskavahkku
Musikkprisen2020 lea gilvu masa buohkat sáhttet searvát. Dat lea ovttasbargu gaskal Ocean Sound Recordings, Momentium, Sparebanken Møre og Sunnmørsposten. Son guhte vuoitá dán musihkagilvvu oažžu ráhkadit skearru ovttas ovttain skearrofitnodagain ja dasto vel čuojahit ovtta ráhpankonsearttas ja ovtta stuora konferánssas. Guldaleaddjit ja juryt mearridit vuoiti, go das galgá jienastit musihka masa liiko.