Goddit su
beasai eret go lohká iežas veallán láhttis go gillájeaddji čohkkái su alde. Dan ii loga áššáskuhtton almmái muitit go sus lei nu panihkka. Gillájeaddji lei ovdalaš čilgen ahte soai leigga váldán giehtafákki, muhto dan ii loga áššáskuhtton almmái doallat deaivása.
– Giehtafággi ii doala deaivása. Beavddi dievva ledje vuolabohttalat, ii das sáhttán gihttafákki váldit. in ge mun muitte giehtafákki, logai almmái go áktor jearahii su mii dáhpáhuvai.
Gjønnes-johansen háliidii diehtit manin son dearpalii golbmii ákšuin, ja dan logai almmái váttisin diehtit.
– Mus lei panihkka ja jápminballu. Plána lei beassat olggos, muhto son bissehii mu beassamis olggos, vástidii son áktora gažaldahkii. Áktor háliidii maid diehtit ledje go digaštallamat. Dasa vástidii son ahte sudnos lei buorre mokta.
Almmái maid tevdnii diggái mo son veallái go gillájeaddji lei su alde. Mo son lea beassan eret dan ii loga muitit ja dan geardduhii máŋgii diggái.
Čájehii ákšu diggái
Ovdal go diggi loahpahuvvui vuossárgga, de čájehii áktor ákšu mii jáhkkimis lea geavahuvvon. Gillájeaddji guđii diggelanja dalle.