Beasai njunnošii – Geahča galle čuoggá son faskii
Máret Hildur lea návddašeame geasseluomu ruovttobáikkis Kárášjogas ovdal go fas álgá skuvlii vahkku geahčen.
1. Gii vuittii Sámi Grand Prix lávlagiin «Liekkas» 2003:s? √
– Sofia Jannok.
2. Mii lea erohus vuojas ja margariinnas?
– Nubbi lea ráhkaduvvon mielkkis, ja nubbi lea ráhkaduvvon šattuin. Vuodja lea ráhkaduvvon mielkkis ja margariidna √ lea ráhkaduvvon šaddooljjus.
3. Galle čoavjji leat gusas? √
– Njeallje.
Máret Hildur vástida riekta buot golbma gažaldaga ja beassá liigegažaldagaid vástidit.
Manin gohčoduvvo miesehis njiŋŋelas boazu? √
– Stáinnat? Mun in leat sihkar.
Dán gažaldahkii sáhttet moadde vástádusa, stáinnat lea njiŋŋelas mii ii goassige čoavjjo.
Goas ledje Guovdageainnu stuimmit? √
– 1851 mun jáhkán, a-a 1852!
Galle diftoŋgga leat davvisámegielas?
– Vuosttažin ferten jurddašit galle bustáva leat alfabehtas, alfabehtas leat oainnat vokálat ja diftoŋggat ja konsonánttat. Ojá, diftoŋggat han leat ea, uo, ie, oa. Njeallje! Riekta!
Galle juolggi leat reahkás?
– Doppe leat máŋga. Leat go dain juolggit obage? Mun ferten √ árvidit 8 juolggi.
Rievttes vástádus: 10
Juohke gilvaleaddji beassá vel geahččalit vástidit ovtta árvádusa. Rukses árvádus lea váddáseamos ja jus dan máhttá, de oažžu 15 čuoggá. Alit árvádusain oažžu 10 čuoggá ja ruoná árvádusain 5 čuoggá. Jurddašanáigi: 1 minuhta.
– Mun válljen dan váddásepmosa. Go big or go home! Mii lea du, muhto geavahuvvo eanaš earáin? √
– Mu namma.
Čuoggá oktiibuot: 21
Máret Hildur oaččui 21 čuoggá, mii mearkkaša ahte lea njunnošis go časkkii Anne Berit Pulka geas leat 20 čuoggá. Juohke gilvaleaddji beassá hástalit ođđa gilvaleaddji searvat Ávvira geassegilvui, muhto Máret Hildut ii hálit hástalit ovttage.