Norga sádde dálkkaslaš heahtereaidduid Libanonii
Ráđđehus lea mearridan lasihit humaniteara doarjaga Libanonii 25 miljovnnin ruvnnuin. Dasto sáhttá Norga sáddet 40 tonna dálkkaslaš heahtereaidduid Libanonii doarjjan vai geahpida dan fáhkkatlaš heahtedilálašvuođa man bávkkiheamit Beirutas leat dagahan.
– Norga lea máŋggaid logi jagi leamaš gievrras veahkeheaddji Libanonas, dan mii maid háliidat leat dán gáibideaddji dilálašvuođas. Mun lean danne odne mearridan ahte mii bidjat 25 miljovnna ruvnno vai sáhttet birget dán fáhkkatlaš muttus, dajai olgoriikaministtar Ine Eriksen Søreide preassakonferánssas gaskavahkku.
Reaiddut mat galget sáddejuvvot leat gárvásit páhkkejuvvon mannogálvvuiguin dikšut vahágahtton olbmuid. Juohke páhkas leat reaiddut mat galget sáhttit dikšut čuođi olbmo logi beaivvis. Oktiibuot sáddejuvvojit 160 pálla main leat heaggagádjunreaiddut. Sádden galgá oktiiheivehuvvot eará buktagiiguin EU:S sihkkarastit jođánis veahki mii lea oktiiheivehuvvon.
– Mii fertet veahkehit nubbi nuppi go fáhtehallut heahtedillái. Olu Beirut buohcciviesuin leat stuorra vahágat geavvan. Lea hástaleaddji addit veahki sidjiide geat dárbbašit dálkkaslaš divššu. Dat lea lassenoađđi dearvvašvuođasuddjemii mii lea jo garra deattus. Dieđusge veahkeha Norga dálkkaslaš reaidduiguin dán dilálašvuođas, ja mun lean lihkolaš go Norga ná jođánit veahkehii, dadjá dearvvašvuođaministtar Bent Høie.
Norga lea maŋimuš jagiid addán olu ruđalaš veahki Libanonii. 2020:s lea Norgga
ráđđeaddi plánen 470 miljovnna ruvnno. Ruhta mii dál vel boahtá, lea liigeruhta dasa.
– Mis lea oktavuohta min humaniteara doaibmaoasálaččain digaštallamis mo mii buoremus lági mielde sáhttit veahkehit, muhto dilli ii leat čalmmus ja lea maid moivvas sidjiide. Mii fertet leat sihkkarat ahte fuobmát čovdosiid mat veahkehit eanemusat ja gokčet dárbbuid, dadjá olgoriikaministtar Eriksen Søreide. Dán čállá regjeringen.no