– Dehálaš ahte dorjot
Sámediggeráđđi lea juolludan 1 627 000 ruvnno davvisámi giellaprošeavttaide, ja 300 000 ruvnno nuortalaš giellaprošeavttaide.
Miksapix Interactive lea okta dain gii oažžu doarjaga, ja fitnodat oažžu 300 000 ruvnno sámegielat speallanráidui. Beaivválašjođiheaddji Mikkel Johansen Sara lea ilus, ja lohká ahte buot doarjja boahtá buorrin.
– Ovdánahttet spillaid lea hui divrras. Mii leat hui giitevaččat go leat ožžon doarjaga, dadjá Sara.
Sii leat ovdal almmuhan spilla “Raanaa Noaidenieida”, ja dál lea plána geavahit doarjaga ovdánahttet nuppi oasi spillas.
– Muhto nu go lohken, dat lea hui divrras. Mii fertet geahččat eará ruhtadanvejolašvuođaid go dušše almmolaš doarjagiid, ja leat ozus priváhta aktevrraid vai beassat ovdánahttet franchisa. Eat sáhte ovdánahttet stuora konseapta unna ruđážiiguin, muhto dat lea buorre vejolašvuohta geahččalit buktaga, dadjá Sara.
Sis eai leat bistevašbargit go ii leat vel ruhta dasa, muhto Sara sávvá boahtteáiggis šaddá vejolaš eallit dáinna ja ahte beassá ásahit bargosajiid Sápmái.
– De lea ge dehálaš ahte Sámediggi joatká doarjut aittoálgiid, oaivvilda Sara.
Buorre reaidun
Vihtta iešguđetlágan giellaprošeavtta ohce ja ožžo doarjaga. Giellaprošeavttain áigot ráhkadit applikašuvnnaid iešguđet sisdoaluin, sihke báikenamma-, sátnegirje-, giellaoahppa- ja spealloapplikašuvnna.
KÁRÁŠJOHKA
Gaskavahkku
GUOVDAGEAIDNU
Gaskavahkku Duorastat
PORSÁŊGU
Gaskavahkku
– Applikašuvnnat ja digitála resurssat leat buorit reaiddut giellaovdánahttinbarggus. Danne oaidná Sámediggi dárbbašlažžan juolludit doarjaga dákkár digitála resurssaide, dadjá sámediggeráđđi Mikkel Eskil Mikkelsen (NSR).
Lullisámis lea Åarjelsaemien vierhtiesåafoe/sørsamisk kunnskapspark ožžon 300 000 ruvnno ráhkadit 3D vuođđovuogádaga man heive atnit giellaarenan. Dat lea digitála lávdi mii sáhttá adnot oahpaheapmái, muhto maid gulahallamii ja giellaarenan. Lávddis lea sámegiella ja sámi guovlu/báiki vuođđun. Vuođđovuogádaga sáhttá maid heivehit davvisámegillii.
– Mu mielas lea hui somá go ná olu buriid ohcamušaide leat beassan juolludit doarjagiid. Movttiidahttá duođaid bargat sámi áššiiguin go álbmogis maid lea ná stuora beroštupmi ovddidit sámegiela, dadjá Mikkelsen.
ÁLTÁ
Gaskavahkku
Duorastat
DEATNU/OHCEJOHKA
Gaskavahkku Duorastat
ČÁHCESUOLU
Gaskavahkku
Duorastat