HOROSKOHPA
FIERCA 21/3-19/4
Dus bissu ain fokusas ruovttus. Du siskkáldas dovddut leat maid dehálaččat. Bargoeallimis ii mana nu njuovžilit justa dál. Jus dus leat skuvlamánát, de sáhtát vásihit rievdadusaid skuvlla ektui. Mánát eaige galggaše fuobmát tulljagoansttaid. Áinnas iskka ahte fievrrut leat ortnegis, sihke biila ja sihkkel, ja vuoje várrogasat.
Dán vahkku sátni: Áicil!
VUOKSÁ 20/4-21/5
Don doalahat ain fokusa ruhtadilis. Dán vahkku geavvá juoga mii dahká ahte eahpidišgoađát iežat ruhtademiid. Don sáhtát oažžut juogo inspirašuvnna dahje divodusa dál. Du mánát, jus dus leat, sáhttet vásihit veahá dramatihka olbmáiguin. Bearráigeahča mánáid. Ruovttus soaittát šaddat juoga ođasmahttit.
Dán vahkku sátni: Árvvoštala!
JUMEŽAT 21/5-21/6
Máŋggas leat ain ávvudeame riegádanbeaivvi. Gaskamuttus vahkku vásiha du nástegovva sevnnjodahttima, ja de lea vuogas váldit gulul. Dás rájes rievdadišgoađát stiilla ja láhttenvuogi. Váhnen soaitá dárbbašit dus veahki dál. Dárkkis ahte biila lea ortnegis ja vuoje várrogasat. Loahpas vahkku sáhtát ávvudit gáhkuin!
Dán vahkku sátni: Ođasmahttin!
REABBÁ 22/6-22/7
Don leat ain hui jurdagiid siste, ja imaštalat. Gaskamuttus vahkku oaččut ođđa oainnu vuoiŋŋalašvuhtii, ja seammás muddet áddejumi jápmima ektui. Juoga čuohcá fievrruide, iskka ahte buot lea ortnegis ja vuoje čábbát. Galggat maid leat várrogas gulahallamiin. Leage čielggas vai ii čuožžil boasttoáddejupmi.
Dán vahkku sátni:
Siskkaldas čuovga!
LEDJON 23/7-22/8
Sosiála oktavuođat leat dehálaččat. Gaskamuttus vahkku soaittát vásihit juoga mii oažžu du eahpidit muhtun olbmáid. Dramatihkka sáhttá maid čuožžilit. Beaivvášsevnnjodeapmi čuohcá dutnje hirbmosit. De lea vuogas vuoiŋŋastit ja dikšut iežat. Vahkkoloahpas oaččut fas ođđa fámuid.
Dán vahkku sátni: Almmustusat!
BUHTISNIEIDA 23/8-22/9
Dus lea hušas árgabeaivi, ja don niegadat olgoriikii. Gaskamuttus vahkku sáhtát vásihit rievdadusaid barggu dáfus, juogo dus, hoavddas dahje ossodagas gos barggat. Ale goitge jierásmuva, váldde gulul ja guldal rupmaša. Jus leat suhtadan guimmiin, de galgabeahte jođánepmosit fas buorránaddat.
Dán vahkku sátni: Ođđa bálgát!
VIEHKAT 23/9-22/10
Don leat optimista ja roahkkat. Jus leat alitoahpu gazzame, de sáhttet čuožžilit rievdadusat juogo plánas dahje deaivvadanbáikkis. Leat og mátkkošteame olgoriikkas, de galggat vánddardit várrogasat. Gal dat manná bures jus geavahat oaivvi. Soaittát maid šaddat muddet iežat oskkolaš ja eallinoainnu ipmárdusa.
Dán vahkku sátni: Fuomáš!
SKORPIUVDNA 23/10-21/11
Dál lea ráhkisvuohta dehálaš dutnje. Gaskamuttus vahkku sáhttet rievdadusat boahtit barggus. Ođđa vejolašvuođaid oaččut. Muhtimat du olbmáin sáhttet vásihit dramatihka, veahkehat go sin? Loahpas vahkku beroštišgoađát dearvvašvuođas. Vahkkoloahpa dikšut dearvvašvuođa ovttas guimmiin, juogo ruovttus dahje eará sajis.
Dán vahkku sátni: Noaidegoansta!
BÁHČČI 22/11-21/12
Sosiála ja romantihkalaš oktavuođat leat guovddážis dál. Gaskamuttus vahkku soaitibeahte guimmiin vásihit hástalusaid. Soabadeahkki. Barggus sáhttá juoga rievdat. Ruovttus soaittát šaddat juoga divvut, váhnemat dárbbaheaba veahki. Váldde gulul ja divššo dearvvašvuođa, dat gánniha. Dán vahkku sátni: Ráfálašvuohta!
BÁKTEBOHKKÁ 22/12-19/1
Árgabeaivválaš bargu lea guovddážis. Gaskamuttus vahkku soitet čuožžilit rievdadusat. Bargoskihpárat sáhttet heaitit, rutiinnat rievdaduvvot. Du dearvvašvuohta maid lea dehálaš. Jus oaččut diagnosa, de galggat dáhttut ođđa árvvoštallama, go dat ii soaitte áibbas riekta. Huksenbarggut dahje eará riejat sáhttet čuožžilit lahkosis. Dat manná badjel.
Dán vahkku sátni: Eambbo!
ČÁHCEOLMMÁI 20/1-18/2
Dearvvašvuohta ja mokta lea buorre. Don beroštat eallima gehppes osiin. Liikká sáhttet čuožžilit soabatmeahttunvuođat guimmiin. Buoremus lea dahkat gaskaneassoahpamuša. Du mánát sáhttet maid vásihit ráfehisvuođa juogo eallimis dahje olbmáiguin. Du hutkáivuohta oažžu fuomášumi dán vahkku, geavat dan liibba. Dán vahkku sátni: Gaskaneassoahpamuš!
GUOLIT 19/2-20/3
Dus lea fokusa ruovttus ja bearrašis. Soaittát šaddat veahkehit váhnema. Ruovttus soaittát gártat juoga divvut dahje ođasmahttit. Gaskamuttus vahkku soitet maid barggus čuožžilit rievdadusat. Buot manná bures jus fal it jierásmuva. Jus leahppi guimmiin veahá suhtadan, de lea somá fas buorránaddat. Dán vahkku sátni: Bearaščanastagat!