Civkkas ja lávlun

Bures, bures olbmát! Lehpet go dii gullan man olu loddecivkanasat dat gulljoit miehtá mehciid? Mun goit lean gullan daid lottážiid ja cizážiid. Dál geasi guvlui lávejit lottit gullot ija miehtá maid, eaige dušše beaivet. Mun jáhkán dat lea danne go ijat leat čuvggodan.

Mun láven vázzit mehciid ja geahččat oidnojit go lottit, ja mus láve de mielde giikan ja loddegirji. Loddegirjjis oainnán makkár lottit dat leat, ja gos guovlluin dat boahtá jus dat ii leat dakkár loddi mii lea dáppe davvin miehtá. Láve hui somá, muhtumin vulget olbmát mielde ja dalle láve mis niesteseahkka mielde ja beasan de boradit meahcis.

Dán jagi in leat vel gullan giega, iige geassi boađe ovdal go gulan dan, nu dat lea álohii leamaš. Lea maid okta eará loddi man mun galggašin gullat geasset, bižus, dat lea dakkár loddi mii addá albma geassedovddu. Juohke geasi gulan dan, ja jus in gula dan, de ii leat albma geassi. Bižus lea vel dakkár loddi mii einnosta dálkki, gulan su jienas jus boahtá dálki dahje arvi. Láve hui buorre jus bižus lea min bieju lahka geasset. Das láve okta bižusbárra mii orru geasi min bieju lahka, ja láve nu buorre go gulan dan guovtto ija ja beaivvi miehtá huikime.

– Mun dego vuoiŋŋastan, láve sáhpán-áhčči lohkat. Muhtumin go lean meahcis vázzime akto ja gulan daid čáppa cižáš-jienaid ja lottiid lávlume, de gal láven mun nai lávllastit. Lávllun lottiid ja ellid mat meahcis orrot. Mu mielas lávejit lottit dego ipmirdit maid mun lávllun go dat nu jaskkodit de, ja de lávllun vel jitnoseappot vai buohkat gullet. Mu nuu liikon geassái ja lottiide, ja nu movttáskan go lea beaivvádat ja lottit nu čábbát civket ja lávlot.