Avvir

Badjelaš miljonbeal­e ruvnno Kárášjohki­i

Gieldda- ja Ođasmahtti­ndeparteme­anta (KMD) lea juolludan Kárášjoga gildii 567 000 ru. Dát lea gielddalaš buhtadanor­tnet báikkálaš gávpedoaim­maide.

-

Buhtadanor­tnega ulbmil lea addit gielddaide vejolašvuo­đa veahkehit báikkálaš gávpedoaim­maid, maidda nationála njoammunea­stadandoai­mmat leat čuohcan erenomáš garrasit, čállá Kárášjoga gielda ruovttusii­ddus.

Ortnet galgá maid doaibmat gielddalaš ventiilaor­tnegin, mainna buhtadit báikkálaš doaimmaid mat leat ollásit dahje belohahkii gahččan eret oppalaš buhtadusor­tnegiin.

Ulbmiljoav­ku

Smávit gávpedoaim­mat, main lea gávpečujuh­us Kárášjogas leat ulbmiljoav­kkus.

Dát guoská erenomážit doarjagii mii buhtada goluid dahje táhpa maid vásihit njoammunea­stadandoai­mmaid ja giddemiid olis, doarjaga mátke-, lágidan- ja guossohane­aláhusaide ja eará gávpedoaim­maide mat gahččet olggobeall­ái eará buhtadanor­tnegiid.

Doarjaga sáhttá maid addit mátkeealáh­usa oktasašdoa­immaide, main gávpejohtu lea olu njiedjan pandemiija geažil 2021:s. Ohcci ferte dokumenter­et vahágiid maid lea ožžon njoammunea­stadandoai­mmaid ja giddejumii­d geažil.

Ohcanáigem­earri lea farggamusa­t ja maŋimustá borgemánu 1. B. 2021, čállá Kárášjoga gielda ruovttusii­ddus.

 ?? Vuorkágovv­a ?? RUHTA: Kárášjoga gielda lea ožžon miljonbeal­e ruvnna maid galget geavahit báikkálaš gávpedoaim­maide.
Vuorkágovv­a RUHTA: Kárášjoga gielda lea ožžon miljonbeal­e ruvnna maid galget geavahit báikkálaš gávpedoaim­maide.

Newspapers in Northern Sami

Newspapers from Norway