HOROSKOHPA
FIERCA 21/3-19/4
Visot manná hiljáneappot dál. Juste dál it beroš nu sakka iežat ambišuvnnain. Dat mii lea lagas ja oahpis orru du mielas olu deháleabbo dál. Čuovo mielde, sáhttá čuožžilit boasttuipmárdus. Dágut visot maid dajat ja iskka guktii smávva detáljaid. Vahkkoloahpas ánssášat vuoiŋŋastit ja návddašit eallima juste nu mo ieš háliidat.
Dán vahkku sátni: Iskka guktii!
VUOKSÁ 20/4-21/5
Dál heive bures árvvoštallat ja plánet ruhtadili. Vuordde boahtte vahkkui ovdal go mearridat maide. Leat go manname guoimmuhandoaluide, de galggat iskat sihke bileahta ja áiggi. Jus dovddat ahte leat váiban, de galggat dikšut dearvvašvuođa. Garvve jođánisbiepmuid ja eará njálgosiid.
Dán vahkku sátni: Miehtebiegga!
JUMEŽAT 21/5-21/6
Olu lihkku sidjiide geain lea riegádanbeaivi dál! Dál lea vuogas vuoruhit alccat buori rumašdivššu, čuohpahit vuovttaid ja ođasmahttit biktasiid. Barggus manná hirbmat bures. Leat go ovdalaččas vásihan hástalusaid, de beasat dál rahpat ođđa uvssaid. Don leat maid issoras hubmái dál, suohtastala vahkkoloahpas!
Dán vahkku sátni: Ávvudeapmi!
REABBÁ 22/6-22/7
Dál leat dakkár áigodagas go ieš mearridat eatnasa iežat eallimis. Don leamaš jurdagiid siste ovtta áigodaga, ja dál lea dus čielgaset persperktiiva. Olbmát addet ain ilu du eallimii. Dus lea geasuhanfápmu mii duođai geasuha earáid. Dál lea hirbmat buorre návddašit áiggi ruovttus iežat lagamusaiguin. Dán vahkku sátni: Iešmearrideaddji!
LEDJON 23/7-22/8
Dus lea oalle lihkku dál, og eanas áiggi oaččut nu mo háliidat. Soapmásat sáhttet mátkkošteame olgoriikii. Olbmát dorjot du, ja dii suohtastallabehtet fárrolaga. Gaskamuttus vahkku galggat veahá bisanit. Dál gánniha luohttit gapmui. Don oaččut liibba gárvet muhtun jiellatprošeavtta. Dán vahkku sátni: Lihkku!
BUHTISNIEIDA 23/8-22/9
Dus lea buorre dilli dál, og measta buot oaččut miela mielde. Don leat maid hui hutkái, ja don sáhtát olahit vuorddekeahtes lihkostuvvama. Don leat jurdagiid siste, muhto váldde vuostá dan rámi maid ánssášat. Vahkkoloahpas soaittát deaivvadit olbmuin gii šaddá dehálažžan ovddosguvlui. Olbmát leat maid dehálaččat dál.
Dán vahkku sátni: Hutkáivuohta!
VIEHKAT 23/9-22/10
Maŋŋoneamit sáhttet čuožžilit jus leat mátkkošteame, galledeame olbmáid dahje leat olgoriikkas. Dál sáhtat maid vásihit romantihka muhtiniin gean muđui leat oaidnán dušše olmmájin. Dán vahkku soaittát oažžut vuorddekeahtes veahki juogo bargoskihpáriin dahje ámmátlaš oktavuođain. Vahkkoloahpa návddašat lagamusaiguin.
Dán vahkku sátni: Lihkku!
SKORPIUVDNA 23/10-21/11
Don beroštat čiekŋudit eallimii. Dan maid don suokkardat, dan don doalahat čiegusin. Sis geain lea guoibmi, dikšot ráhkisvuođa. Sis geain ii leat, ohcalit ráhksivuođa muhtin gáiddus riikkas dahje olgoriikalaččain. Jus leat sorron dáhkádusáššái, de sáhtát oažžut ođđasa mii lea mearritmeahttun. Vuordde unnimusat vahkku ovdal go mearridat.
Dán vahkku sátni: Botneheapme!
BÁHČČI 22/11-21/12
Jus leat mátkkošteame olgoriikkas, de sáhttet čuožžilit rievdadusat dahje maŋŋoneamit. Bija buori áiggi mátkái. Jus leat ráhkásmuvvan muhtin olgoriikalažžii, de galggat návddašit, muhto dehálaš mearrádusaid it galgga váldit ovdal go leat golihan unnimusat moadde vahkku. Ruovttus oaččut buoret dili jus bijat áiggi čorget hilduid ja skábiid, vuovdde dahje skeŋke diŋggaid maid it dárbbat.
Dán vahkku sátni:
Hállu mátkkoštit!
BÁKTEBOHKKÁ 22/12-19/1
Árgabeaivvit sáhttet mannat njozet. Jus dovddat vuostehágu, leage gierdevaš, fargga buorrána. Don lihkostuvat jus ovttasbarggat earáiguin. Sosiálalaš bealli maid dehálaš dál. Du buorre gulahallan earáiguin boahtá buorrin bargoeallimis. Bargomátkkis sáhttet maŋŋoneamit čuožžilit, muhto liikká joavddat.
Dán vahkku sátni: Gierdevašvuohta!
ČÁHCEOLMMÁI 20/1-18/2
Álggus vahkku soaittát vásihit unohisvuođaid. Ale jierásmuva, gal dat njuolgá liikká jođánit. Don movttáskat dađistaga. Irggástallamiin ja ráhkisvuođain manná bures. Sis geain lea guoibmi hervvoštallet ovttas. Du mánát, jus dus leat, sáhttet čájehit vuostehágu, leage gierdevaš.
Dán vahkku sátni: Guoimmuheapmi!
GUOLIT 19/2-20/3
Don leat beroštuvvan iežat siskkaldas máilmmis, don girddašat iežat bulljarasa siste. Gaskamuttus vahkku berret leat várrogas, garvin dihte smávva lihkohisvuođaid. Juollut alccat buori divššu, kánske aromadivššu? Don doaimmahat olu barggus, dearvvašvuohta ja mokta lea buorre. Vahkkoloahpa lea áigi veahá irggástallat.
Dán vahkku sátni: Ollu jurdagat!