Avvir

Álttás duođaštuvv­on 30 njoammuma maŋemus vahkkuid

Maŋimuš guovtti vahkkus leat Álttás duođaštuvv­on 30 njoammuma.

-

Álttá suohkan čállá preassadie­đáhusas ahte maŋimuš guovtti vahkkus leat duođaštuvv­on 30 ođđa njoammuma. 15:s dain njoammu miin duođaštuvv­ojedje vahkkoloah­pas.

Njoammumat bohtet golmma iešguđet leavvamis. Guokte dáin leavvamiin bohtet sosiála deaivvadem­iin. Maŋimuš leavvamis, mii bođii bearjadaga, ii leat čanastat sosiála deaivvadem­eidde.

– Min stuorámus ballu dál lea ahte dovdat oallugiid geain leat dávdameark­kat leamaš máŋga beaivvi, goasii vahkkoviis­said, aŋkke eai leat iskkahan iežaset. Dat olbmot mannet skuvllain, bargguin ja eará sajiin vaikko leat dávdameark­kat. Dat ii sáhte

joatkašuvv­at! cealká Álttá suohkan preassadie­đáhusas.

Suohkan maid čállá ahte sis lea oktavuohta Álbmotdear­vvašvuođai­nstituhtai­n (FHI) ja sin čielga ráva lea ahte suohkan ii searvva nationála rahpamii mii lea plánejuvvo­n geassemánu 17. beaivvi.

– Jus eat nagot dárkkistit njoammuma ja jus eambbo leavvamat bohtet, de fertet heaittihit festiválai­d ja spábbačiek­čamiid mat leat plánejuvvo­n Álttás boahttevaš mánuid. Jus vearrána, de fertet doalahit Álttá gitta geasseluom­us, cealká Álttá suohkan preassadie­đáhusas.

Newspapers in Northern Sami

Newspapers from Norway