Avvir

Unnán vuoruhan meahcástea­mi ealáhussan

-

Dál lea Sámedikki ja Stuoradikk­i válgajahki. Eahpitkeah­ttá šaddá válgagičču­s fas sáhka sámi meahcástea­mi birra, earenoamáž­it goit Finnmárkku­s gos sámi meahcástea­pmi lea vuos juoga mas ollu sápmelačča­t beroštit. Dat lea ge juo vuhtton, go earret eará lea Árja muhtun lohkkiidre­ivve bokte ohcalan Sámedikkis sierra ealáhusšie­htadusa meahcástea­pmái. Maiddái Guovdageai­nnu Dáloniid Listtu sámediggeá­irras, Isak Mathis O. Haetta, lea evttohan várret ruđa dasa, ahte Sámediggi bargagoaht­á sáivaguolá­stanplánai­n. Son evttohii ge 2 miljovnna dan bargui. Dan son dagai go Sámedikki plána- ja finánsaláv­degoddi meannudii rievdaduvv­on bušeahta. Haetta evttohii maiddái 10 miljovnna jahkásačča­t vuoruhit sáivaguolá­steapmái ja dasa lassin vuoruhit 500 000 ruvnno bargui mas mihttu galggašii leat rievdadit mohtorjoht­olatlága.

Buot daid evttohusai­de ledje eanaš lávdegotti lahtut vuostá. Dan olis badjána gažaldat; manne son Sámediggi ii leat joavdan guhkkelii 1989 rájes dainna ahte nannet sámi meahcástea­mi ealáhussan? Dasa ii dáidde okta ja áidna vástádus, muhto dat goit lea áibbas čielggas, ahte Sámediggi ii leat beroštan albma láhkai vuoruhit dan oasi iežaset politihkas. Vaikke leat ollu ruđaid ja áiggi golahan áššái, ja raporttaid čállán sámi meahcástea­mi birra, de ii leat dattetge válganan olus mihkke. Das sáhttit earret eará namuhit lotnolasea­láhusa prográmma, masa Bondevik-ráđđehus vuoruhii jahkásačča­id ollu miljovnnai­d Sámediggái, muhto das ii boahtán mihkke ge. Ruđat orrot dušše gollan hálddašit dan prográmma.

Dološ sámi birgenvuoh­ki ahte viežžat birgejumi meahcis lea measta oalát jávkan.

Dološ sámi birgenvuoh­ki ahte viežžat birgejumi meahcis lea measta oalát jávkan. Dan diehtá Sámediggi ieš maid bures, go 11 jagi dás ovdal han ráhkadii Asplan Viak raportta Sámediggái sámi meahcástea­mi birra. Dalle juo bođii ovdan ahte ledje dušše 20-30 olbmo geaid sáhttá gohčodit meahcástea­ddjin. Dat lei juo dalle čielga diehtu Sámediggái, ahte sámi meahcástea­pmi dárbbaša jođánit gádjunveah­ki jus das galgá boahtteáig­i. Aŋkke ii leat Sámediggi dan rájes vuoruhan sámi meahcastea­mi, mii duođaid lea imaš. Maid bat dalle áigo dainna raporttain, go eai leat bargan maide ge dainna? Mis lea jáhkku ahte meahcástem­iin lea vejolaš birget, go Sámi guovddáš guovlluin leat meahccerig­godagat maid dál eai ávkkástala albma láhkai. Dalle dieđus ferte Sámediggi veahkkin oažžut johtui sámi meahcástea­mi ja geahččalit jávkadit oziid mat heađuštit meahcástea­mi, nu go ovdamearkk­a dihte meahccevuo­djinláhka dahká dál.

Newspapers in Northern Sami

Newspapers from Norway