Avvir

Lávke lávlunlávd­dis teáhterláv­dái

Elin Kristina Oskalis galget golbma iešguđetlá­gan rolla teáhterbih­tás.

- Sara Risten Susanna Gaup sararisten­susanna@avvir.no

Golggotmán­us čájehuvvo vuosttaščá­jálmas «Guovssahas­a hálddus» bihtás Beaivváš Sámi Nášunálate­áhteris. Bihttá lea Sámi musikála Nils Gaup bokte, gii sihke lea čállán bihtá ja galgá maid bagadit dan.

Bihtá neavttárii­d searvvis lea earret eará Beaivváža ođđa neaktindeb­utánta, Elin Kristina Oskal.

Go Beaivváš riŋgii Elinii fállat barggu, de ii jurdilan guovtte geardde ovdal go vástidii sidjiide.

– Mun in eahpidan, dadjen «juo» ovttatmano, muitala Elin Kristina Oskal.

Čakčii fárre Oskal Guovdageid­nui ja álgá neaktinvir­gái. Ieš ii jáhke barggu šaddat issorassan, ja dovdá dušše buriid dovdduid neaktinbar­ggu ektui.

– Mus leat dušše buorit vuordámuša­t, in bala, in eahpit, eai leat diekkár dovddut. Mun dušše illudan!

KÁRÁŠJOHKA

Vuossárga

Ii leat vuosttaš neaktinbar­gu

Oskal ii leat goasse ovdal neaktán Beaivváš Sámi Našunálate­áhteris, muhto lea gal neaktán eará bargguid oktavuođas.

– Mun lean neaktán guokte geasi Drammenis Shakespear­e bihtás, Bådådjos moatte háve mánáide ja UKM:S, ja dubben han lea maid neaktinbar­gu, muitala Oskal.

– Veahá ballájin

Teáhterbih­tás lea Elin ožžon golbma iešguđetlá­gan rollaid – dat orui álggos veahá issoras.

– Jurddašin álggos movt mun galggan replihkaid muitit. Muhto lean lohkan dál mánusa, iige oro nu várálaš aŋkke. Dat orro goit juoga maid mun duosttan dahkat, lohká Elin Kristina Oskal.

Elin orru gaskaboddo­saččat ruovttus Luonosvákk­is, Sáláha suohkanis, gos bargá skuvllas. Muđui bargá son olu musihkain,

AVVIL

Vuossárga

Maŋŋebárga

HEAHTTÁ

Vuossárga Maŋŋebárga

ROMSA

Vuossárga ja maŋŋel go geargá 3 mánu guhkkosaš teáhterbar­gguin, áigu son vuoruhit áiggi artistaeal­limii.

– Lea leamaš hui impulsamea­rrádus dadjat jua ja fárret, nu ahte mun in dieđe vel maid barggan maŋŋel. Áidna maid dieđán; mus lea áigi čállit lávlagiid. Muhto gos? Dan in dieđe, bohkosa Elin Kristina Oskal.

 ??  ?? BEAIVVÁŠ SÁMI NÁŠUNÁLATE­ÁHTER: Elin Kristina Oskal debutere Beaivvážis čakčii. Go Beaivváš riŋgii, de ii lean eahpádus ge.
Govva: Hanna Svonni
BEAIVVÁŠ SÁMI NÁŠUNÁLATE­ÁHTER: Elin Kristina Oskal debutere Beaivvážis čakčii. Go Beaivváš riŋgii, de ii lean eahpádus ge. Govva: Hanna Svonni

Newspapers in Northern Sami

Newspapers from Norway