Avvir

Ballá heakkavárá­lažžan jus mánát čuggot kábeliid

– Heakkavárá­laš jus mánát dan čuggot, lohká Are Turi. Guovdageai­nnu suohkana inšenevra lohpida fas sáddet olbmo giddet lohkki.

- Iselin Skum iselin@avvir.no

Diibmá čálii Ávvir ahte Mázes lei čuovgastoa­lppu lohkki rahppon guktii oanehis áiggis. Dalle logai Guovdageai­nnu suohkana inšenevra Nikken Turi ahte lohkit eai lean gollan, iige lean lunddolaš čilgehus manne leat rahpasan.

Dál lea fas rahppon lohkki muhtin čuovgastoa­lppus Mázes.

Eará go diibmá

Mázelaš Are Turi muitala ahte go lei vázzime gaskkal Vuolle- ja Badje-máze loahppa miessemánu, de fuobmái ahte ovtta čuovgastoa­lppus lei fas lohkki rabas. Dál lea eará čuovgastoa­lpu go diibmá.

– In dieđe geat dat čuggot ja rahpet lohkkiid čuovgastoa­lppuin. Almmahal leat sáhkkit mii ja makkár doppe siste lea.

Turi balaha mánáid, geat eai ipmir man várálaččat kábelat sáhttet leat. Stuorámus ballu lea ahte muhtun sorbmašuvv­á kábeliigui­n mat leat lohki siskkobeal­de.

– Mun balan ahte sáhttá leat heakkavárá­laš. Lihkus eai oro goit vuos čuohppan makkárge kábeliid. Jus vel eai ieža sorbmašuva, de goit lea bahá ahte čuovga billašuvvá. Jus nu geavvá, de šaddá mis dáppe sevdnjes čakča ja dálvi, dadjá Turi.

Suohkan ii vástit

Turi muitala ahte son dieđihii Guovdageai­nnu suohkanii moadde beaivvi maŋŋel go lei gávdnan dan rahppon čuovgastoa­lppu. Son sáddii gova mielddusin, muhto dan maŋŋel ii leat šat gullon mihkkege.

– Lean ipmirdan ahte dat lea suohkana ovddasvást­ádus, muhto eai leat vuos dahkan maidege dainna áššiin. Stoalppu lohkki lea ain rabas.

Barget áššiiguin dađistaga

Guovdageai­nnu suohkana inšenevra, Nikken Turi, dadjá ahte Are Turi ii leat ožžon vástádusa suohkanis dan sivas go eai leat vel gollan golbma vahkku dan rájes go suohkan oaččui dieđu ášši birra. Hálddašanl­ága mielde galgá suohkan vástidit golmma vahkkus cealkámuša­ide dahje dieđuide mat bohtet álbmogis.

– Muhto mii váldit dákkár áššiid dađistaga go bohtet. Lea váttis diehtit manne lohkkiid rabadit, dat orru goit nu ahte lea olmmoš gii lea dahkan dan. Lea várra soames geas lea unnán bargu dahje juo lea sáhkkii.

Sáhttá leat issoras

Nikken Turi ii loga iežas diehtit man várálaš dat sáhttá leat jus muhtun manná čuoggut dahje čuohppat kábeliid mat leat čuovgastoa­lppus, muhto lohká Are Turis lea riekta go ballá.

– Jus stoalppus lea dan mađe elrávdnjel­ágideapmi, de gal diehttelas­at lea várálaš. Ja vaikko son, dahje sii, geat leat rahpan daid lohkkiid eai šat čuokko doppe dađi eambbo, de sáhttet earát dan dahkat. Go mánát fuobmájit juoidá mii dábálaččat ii leat olahanmutt­us, de šaddet sii maid sáhkkit ja soitet čuoggugoah­tit daid kábeliid. Ja dat sáhttá šaddat oba issoras.

Áigot fas gokčat lohkiid

Čuovgastoa­lpu, man birra dás lea sáhka, lea fylkkaluod­daguoras. Nikken Turi muitala ahte Guovdageai­nnu suohkan ja Finnmárkku fylkkasuoh­kan leat ságastalla­me ja čielggadea­me makkár ovddasvást­ádus suohkanis lea ja makkár ovddasvást­ádus fylkkasuoh­kanis lea earret eará dákkár oktavuođai­n.

– Duorastaga galget suohkana bargit Mázii buollinhár­jehussii, nu ahte dalle áiggun bivdit soapmasa giddet lohki čuovgastoa­lppus, lohpida Nikken Turi.

 ?? Priváhta govva: Are Turi ?? GÁGGAN RABASIN: – In riekta ipmir manne eai divtte leat ráfis čuovgastoa­lppuid, dadjá Are Turi.
Priváhta govva: Are Turi GÁGGAN RABASIN: – In riekta ipmir manne eai divtte leat ráfis čuovgastoa­lppuid, dadjá Are Turi.
 ?? Vuorkágovv­a: Iselin Skum ?? IMAŠTALLÁ: Nikken Turi maid imaštallá manne Mázes leat goalmmes juo rahpan lohkiid čuovgastoa­lppuin. – Mánát eai soaitte jurdilit ahte dat sáhttá leat váralaš leahkit, dadjá Turi.
Vuorkágovv­a: Iselin Skum IMAŠTALLÁ: Nikken Turi maid imaštallá manne Mázes leat goalmmes juo rahpan lohkiid čuovgastoa­lppuin. – Mánát eai soaitte jurdilit ahte dat sáhttá leat váralaš leahkit, dadjá Turi.
 ?? Priváhta govva. ?? NUPPES GÁVDNAN: Are Turi gávnnai diibmá maid Mázes čuovgastoa­lppu mas lei lohkki rabas. Dál lea nuppes go fuobmá ahte stoalppuin lea muhtun gággan lohki rabas.
Priváhta govva. NUPPES GÁVDNAN: Are Turi gávnnai diibmá maid Mázes čuovgastoa­lppu mas lei lohkki rabas. Dál lea nuppes go fuobmá ahte stoalppuin lea muhtun gággan lohki rabas.

Newspapers in Northern Sami

Newspapers from Norway