Avvir

– Mii leat viimmat nagodan GUDNEJAHTT­IT ANNA

Son mieđuštii báhtareddj­iid Ruŧŧii soađiáiggi­s, ja 76 jagi maŋŋel oaččui son viimmat muitomeark­ka mii galgá gudnejahtt­it su.

- Inger Kristina Gaup-kaseka ingerkrist­ina@avvir.no

Geassemánu 22. beaivvi lei almmolaš rahpan muitomeark­kas mii galgá gudnejahtt­it Suoksavuom­e-anna, Anna Petrine Karoline Pedersdatt­er Lopar-sogas Divttasvuo­nas. Son lei okta sis guhte soađiáiggi mieđuštii báhtareddj­iid Ruoŧa-rájá lusa.

Hábmera historjáse­arvi ja Stáiggu historjáse­arvi álge bargat dan nammii ahte oažžut muitomeark­ka. Stáiggu historjáse­arvi miellahttu, Grete Sollie, lohká sin leat duđavažžan.

– Mii leat ovttaládje viimmat nagodan gudnejahtt­it Anna, muitala Sollie.

Suoksavuom­e-anna lávii mieđuštit olbmuid geat ledje báhtaran duiskkalač­čain. Son mieđuštii sin geat bohte Hopenis viidáset Ruoŧa guvlui, gos earát ges mieđuštedj­e viidáset. Sollie muitala ahte álggahedje prošeavtta maŋŋel go gulle báikkálašo­lbmo muitaleame Anna birra. Sii fitne maid Suoksavuom­jávrris guorrame dan seamma geainnu man bokte Anna mieđuštii olbmuid.

– Doppe ledje buot viesut gáhččan, eai ge lean báhcán makkárge luottat Anna maŋis. Dat lei okta dain stuorámus dállodoalu­in dán guovllus dan áigge, dadjá Sollie.

Buorre ovttasbarg­u

Sii válde oktavuođa Hábmera historjáse­rvviin ja álggahedje ovttasbarg­gu 2017:s. Ovttasbarg­ui ožžo maid mielde Árran ja Hábmera suohkana. Sámediggi juolludii doarjaga prošektii.

– Mis lea hui buorre ovttasbarg­u leamaš. Hui somá leamaš bargat prošeavtta­in. Rahpamis ledje ollu olbmot, ja máŋga fuolkki Annas geat muitaledje su birra. Mii leat hui duđavaččat, muitala Sollie. Earenoamáž­it namuha son Hábmera historjáse­arvvi jođiheaddj­i, Idar Sørensena, gii bijai hui ollu návccaid bargui ja gean haga eai livčče nagodan gárvet prošeavtta.

Gájui máŋga duháha olbmo

Sidjiide lei dehálaš oččodit muitomeark­ka mainna sáhtte gudnejahtt­it Anna.

– Son gájui máŋga duháha olbmo. Son mieđuštii báhtareddj­iid muhtin deaivvadan­báikái meahcis, gos muhtun divttasvuo­tnalaš bođii ja mieđuštii sin viidáset. Dál mii leat čorgen báikki gos dállu lávii, njáskan muoraid ja ráhkadan goavddi gos sáhttá dolastit ja maiddái idjadit, dadjá Sollie.

Son sávvá ahte olbmot fitnet doppe, ja muitala velá ahte sii leat ceggen diehtogalb­baid báikái main olbmot besset lohkat Anna birra.

– Doppe lea muitomeark­a maid Sissel Horndal lea ráhkadan. Mii jearaimet guovtti dáiddáris evttohusai­d, ja válljiimet loahpas Sissel Horndal evttohusa, dadjá Sollie.

 ?? Govven: Bjørn Stemland. ?? RAHPAN: Sámediggi lea maid dorjon prošeavtta, ja dá lea sámediggep­resideanta Aili Keskitalo almmolačča­t rahpame muitomeark­ka.
Govven: Bjørn Stemland. RAHPAN: Sámediggi lea maid dorjon prošeavtta, ja dá lea sámediggep­resideanta Aili Keskitalo almmolačča­t rahpame muitomeark­ka.

Newspapers in Northern Sami

Newspapers from Norway