– Livččen galgat buorebut čuovvut mielde diimmuin
Ida Emilie Lindsethas orro geassedovdu, ja lohká iežas áinnas searvat gilvui.
– Dál lean ruovttus vuoiŋŋasteame. Áigon beaivvádagas velohallat, muhto orro nu ollu balvvat. Áibbašan Ruŧŧii áhku ja ádjá guossái, lávet rievttimielde juohke geasi doppe fitnat. Dál in dieđe makkár geassi šaddá.
1. Dá lea vearsa ovtta sámi artistta lávlagis: “Riekta lei go dadjet, ii leat olbmo báiki dat gos iđitgáfe jugadettiin čázi oainne ii eaige čoavjjis lean gal beaivelottit muhto unna veajehat go moai iđitsuoldnin guossaleimme maŋŋeskohttasii.”
Gii lea artista gii lea čállán ja lávlu dán lávlaga?
– In dieđe. Ferten vástidit Áillohaš, vaikko ii leat gal várra son. √
Rievttes vástádus: Niillas Holmberg.
2. Man guhká bistá okta olles giehtaspáppastallanvuorru? – 60 minuhta, ovtta diimmu. √
3. Biibbalii leat čohkkejuvvon ollu girjjit, galle girjji leat das?
– Oktiibuot? Dán galggašin diehtit, mus han lei oskku ja etihkka fága joatkkaskuvllas! Olu badjel 50 goit leat… Vástidan 60 girjji.
√ Rivttes vástádus: Biibbalis leat 66 girjji – Livččen galgat buorebut čuovvut mielde diimmuin!
Juohke gilvaleaddji beassá vel geahččalit vástidit ovtta árvádusa. Rukses ivnnat fáttá árvádusat leat váddáseamos ja jus dan máhttá, de oažžu 15 čuoggá. Alit ivnnat fáttá árvádusain oažžu 10 čuoggá ja ruoná fáttá árvádusain 5 čuoggá. Jurddašanáigi: 1 minuhtta.
Ida Emilie vállje alit fáttá mas muttát váttes árvádusat. Mii lea ruoná ja hakso dego fiskesmála? – Mm… Dien jáhkán ovdal gullan. Juo, ruonámála! √
Juohke gilvaleaddji beassá hástalit ođđa gilvaleaddji Ávvira geassegilvui. Ida Emilie hástala Elle Nystada searvat geassegilvui. Čuoggát oktiibuot: 11 Njunnošis: Johan Vasara, 17 čuoggá