– Mis lea riekti leat dáppe
Mannan gaskavahkku čuojahedje Musseres Nordlánddas. Dál ilbmá joavkku vuosttaš álbuma mas ulbmilin lea ovdanbuktit luođi ja máttasámegiela eambbosiidda.
Musihkkabuvttadeaddji «DJ idja» (Markus Thonhaugen) bargagođii prošeavttain badjel guokte jagi áigi. Lávlagiid ja luđiid ovdanbuktiba ÅVLA (Ole-henrik Bjørkmo Lifjell) ja Ramona Linnea (Ramona Kappfjell Sørfjell). Buohkat leat eret Helgelándda guovllus Nordlánddas. Gaskavahkku suoidnemánu 14. beaivvi almmuhit sii iežaset vuosttaš skearru, nammalassi «Gieriesvoete».
– Dán skearrus gullojit iešguđetlágán musihkkahámit nugo disco, house, synthwave, Lofi ja musihkka eksperimentealla hámis, muitala «DJ idja».
Ulbmilin lea ovdanbuktit luođi ja máttasámegiela ođđaáigásaš hámi bokte.
Duođalaš diehtu
Lávlagiin leat maid duođalaš dieđut. Lávlla «Im veasoeh» muitala boazodoalu rahčamušaid birra.
Artisttat muitalit ahte lávlla lea miesi rahčamuša birra váralaš máilmmis mii ain rievdá heajut guvlui. Liikká gávdno dás maid doaivva.
– Álddu vehkiin de beassá miessi čuoččat, lohká Ramona gii lea dán šuoŋa lávlu.
«Mother Earth» muitala daid duođalaš luondduduohtademiid birra mat dáhpáhuvvet min guovlluin. Máŋgga láhkái de čuorvu šuokŋa luođi bokte veahkki iežamet máttuin. Ole-henrik lohká ahte jus eananspáppas galga leahkit boahtteáigi, de ii sáhte láhttet nugo dál.
– Mis lea riekti leahkit dáppe, deattuhit dát golbma artistta.
Hirbmat somá
Skearru lea buvttaduvvon Sámedikki, Nordlándda fylkkagieldda ja Hemnes gieldda vehkiin. Almmuhankonsearta dáhpáhuvvá Riddu Riđđu festiválas Olmmáivákkis Romssas lávvardaga.
Mannan vahkkus čađahii dát trio Musseres konseartta, gos čuojahedje ovdal «ISÁK» nammasaš joavkku.
– Lei hirbmat somá ja olbmot
DUOĐALAŠ DIEĐUT: DJ idja, Ramona Linnea ja ÅVLA lávlot duođalaš áššit birra. Govva: Mads Suhr Pettersen liikojedje maid gulle! Doaivut ahte lea ráhkaduvvon, loahpahit ollugat liikojit álbuma. Álbuma artisttat. lea earálágan go buot mii ovdal