87 olbmo sáhkohallan mobiilageavaheamis vuojedettiin Finnmárkkus
7952 olbmot sáhkohallo mobiilatelefovdnageavaheami dihte vuosttaš jahkebealis. 87 sis ledje Finnmárkku politiijaguovllus.
Dat lea njiedjan 41 proseanttain buohtastahtton diimmá loguide seamma áigodagas.
Ung i Trafikken, Norgga áidna johtolatsihkkarvuođaorganisašuvdna nuoraide, ballet heajos loguin.
– Mii sáhttit illudit njiedjamis, muhto mii ain ballat. 87 olbmot sáhkohallo mobiilageavaheamis ovtta guovllus, lea 87 menddo olu. Ii leat eahpideaddji ahte min áicilvuohta hedjona go vuojedettiin geavahat mobiilatelefovnna, dadjá Ung i Trafikken gulahallan- ja servvodatoktavuohta, Henrik Pettersen Sunde, preassadieđáhusas.
2021 rájes gorgŋo sáhkkomáksomearit mobiilla geavaheamis johtolagas. Dál oažžu 5000 ruvdnosaš sáhku ja olles golbma čuoggá vuodjinkortii jus gávnnahallá. Vuoddjit, geat ain leat geahččalanáiggis, ožžot guhtta čuoggá. Diibmá lei ráŋggáštus 1700 ruvdnosaš sáhkku ja guokte čuoggá.
– 5000 ruvnno lea mearkkašahtti haddi eatnašiidda ja ođđa vuoddjái gal dovdojit guhtta čuoggá. Olmmoš massá oainnat koartta gávcciin čuoggáin. Vuoddji
galggašii čuovvut mielde johtolagas, dadjá Sunde.
Lassáneapmi nuoraid gaskka
Riikkadásis sáhkohalle 934 olbmo geat leat gaskkal 18-24 jagi, mii vástida lassáneami njeljiin proseanttain buohtastahtton vuosttaš jahkebeliin jagis 2020.
Vaikke lassáneapmi lea unni, de vuorjašuvvu Ung i Trafikken go nuoraid eai leat buoret guottut.
– Geavahit mobiilatelefovnna vuojedettiin lea várálaš. Olu nuorat dáidet jurddašit «johtolatlihkohisvuohta ii geava muinna». Dakkár guottut eai leat doarvái. Olles golmma logi johtolatlihkohisvuođain sáhttet leat guoskevačča mobiilageavaheapmái, dadjá Sunde preassadieđáhusas ja lasiha:
– Mu ja du eallimis lea eambbo árvu go dan ovtta sekunddas go vuoddji ii leat áicil ja guovllasta mobiilatelefovdnii vuojedettiin. Sorjjasmeahttun das gii lea vearrámus sávvat mii ahte biilavuoddjit bidjet mobiilla lummii dan botta go leat johtolagas. Mii eat sáhte geange massit, loahpaha Sunde preassadieđáhusas.