Almmuhan luođi korona birra
Nils Jøran Eira lea debuteren artistan go lea ovttas Eira-joavkkuin almmuhan luođi korona birra. Luohti gávdno earret eará Spotify:as ja itunes:as, ja fargga almmuhuvvo luohtái musihkkavideo.
Lávvardaga suoidnemánu 10. beaivvi almmuhii Nils Jøran Eira ovttas Eira-joavkkuin «Korona» nammasaš luođi. Dá lea vuosttaš háve go son ieš lea almmolaččat juoigan ja almmuhan luođi.
– Mun lean juoigan dan rájes go ledjen unni, muhto lávejin dušše ruovttus juoigat, muitala Nils Jøran.
Nils Jøran muitala ahte luohti bođii sutnje go lei geasseorohagas Gávvuonas. Maŋŋil go Nils Jøran lei hábmen luođi, de jearai son Anne Inger Eira Lillengas, gii lávlu Eira-joavkkus, veahki bidjat šuoŋa luohtái. Dalle báddiiga ja almmuheigga luođi musihkain. Nils Jøran muitala ahte lea somá oaidnit go olbmot guldalit luođi, ja go juogadit interneahtas.
Luođis gávdno diehtu
Nils Jøran lohká ahte luođis lea diehtu mii boahtá ovdan go guldala.
– Luođis boahtá ovdan ahte ferte suohtastallat, muhto dattege leahkit várrogas, lohká Nils Jøran.
Son lasiha ahte ieš mearridii juoigat korona birra go dat lea váikkuhan máilmmi nu olu, ja go korona váldá nu stuora saji servodagas. Nils Jøran sávvá beassat lávddis juoigat fargga.
KORONA: Nils Jøran oaivvilda ahte ferte gávdnat saji suohtastallat, muhto goitge leahkit várrogas go lea pandemiija. Govva: Anne Inger Eira Lilleng
– Dat lea dehálaš ahte olbmot ožžot vejolašvuođa juoigat, lohká
Nils Jøran.
Musihkkavideo lassin
Nils Jøran muitala ahte luohtái boahta fargga musihkkavideo, ja illuda dan čájehit máilbmái. Son deattuha ahte videos lea seammalagán diehtu go luođis; ahte ferte muitit suohtastallat, muhto goitge
KÁRÁŠJOHKA
Bearjadat
Sotnabeaivi
GUOVDAGEAIDNU
Bearjadat
Lávvardat
Sotnabeaivi
PORSÁŊGU
Bearjadat váruhit. Nils Jøran lohká ahte video lea Guovdageainnus filbmejuvvon, ja ahte ilbmá dán vahkku Youtube-neahttasiiddui.
– Dat eai gávdno nu hirbmat olu sullasaš videot Sámis, mun illudan almmuhit dan, loahpaha Nils Jøran