HOROSKOHPA - boahtte vahkku
FIERCA 21/3-19/4
Don leat hirbmat hutkái dál. Okta nubbi buorre jurdda boahtá millii. Daid buriid jurdagiid sáhtát ávkkástallat sihke ruovttus ja barggus. Juogat ideaid hoavddain, vai buohkain šattašii njuovžilábbo bargobeaivi. Leat go manname servvoštallat dán vahkkoloahpa, de beasat vásihit sihke irggástallama ja joraheami. Návddaš!
Dán vahkku sátni: Gávvil!
VUOKSÁ 20/4-21/5
Ruoktu ja bearaš lea deháleamos dál. Don leat maid beroštuvvan dovdduiguin. Jus čorgedettiin gávnnat boares govaid, de sáhtát roahkka čohkkedit ja muittašit. Sii guhtet eai leat vel váldán luomu, sáhttet dál páhkkegoahtit ja návddašit luomu ovttas bearrašiin. Mii geasuha du ja du bearraša?
Dán vahkku sátni: Lagasvuohta!
JUMEŽAT 21/5-21/6
Don leat hui hubmái dál. Don leat maid beroštuvvan girjjálašvuođas, magasiinnain ja girjjiin. Dál lea vuogas áigodat doaimmahit astoáigedoaimmaid dahje váldit kurssa juoga mas beroštat. Jus leat mátkkošteame, de sáhttá vuoiŋŋalašvuohta addit eambbo energiija. Dehálaš leat rabas ja váldit vuostá dan maid máilbmi fállá.
Dán vahkku sátni: Suokkardeapmi!
REABBÁ 22/6-22/7
Dán vahkku bijat eambbo fuomášumi ruhtadillái. Orru leamen ahte bálkálasahus buktá buori. Okta boarráset olmmoš du birrasis lea maid hui árvvas duinna. Dus muhtin olmmái dahje ámmát ráđđeaddi sáhttá du veahkehit dáinna. Don doarjjut maid muhtin organisašuvnna mii ovddida juoga mas beroštat.
Dán vahkku sátni: Plánen!
LEDJON 23/7-22/8
Olu lihkku sidjiide geat ávvudit riegádanbeivviid dán vahkos! Eatnasat dis leat luomustallame, vaikko vel muhtinat dis vuoruhit bargat. Juohkehaš vállje ieš! Oaččut dieđusge mávssu dan buori barggu ovddas maid doaimmahat. Dáid ruđaid sáhtát geavahit go de válddát luomu, juogo dál dahje maŋit áigge. Dán vahkku sátni: Du válga!
BUHTISNIEIDA
23/8-22/9 Álggus vahkku soaittát vásihit unohisvuođaid mat geahččaladdat du. Dat buorrána fas jođánit. Don leat beroštuvvan vuoiŋŋalašvuođas. Imašlašvuođat geasuhit du. Og leat jearggalaš, de gávnnat vástádusa daidde čiekŋaleamos čiegusvuođaide. Don liikot maid muittašit vássánáiggi. Muhtin somás deaivvadeapmi boktá fiinna muittuid. Dán vahkku sátni: Niegut!
Horoskohpa čállán: Tore Lomsdalen
VIEHKAT 23/9-22/10
Gáiddus riikkat ja kultuvrrat leat álo geasuhan du. Muhtin deaivvadeamis soaittát deaivvadit soapmásiin gii šaddá dehálažžan ovddosguvlui. Gaskamuttus vahkku sáhtát dovdat ahte leat váiban, leat go menddo sakka bargan? Lihkus ealáskat fas jođánit. Vahkkoloahpas beasat dovdat dan ráhkisvuođa ja lagasvuođa mii du guoimmis lea dutnje.
Dán vahkku sátni: Liekkusvuohta!
SKORPIUVDNA 23/10-21/11
Dán áigodaga šaddagoahtá hušša. Bargu čuorvu, ja don vástidat. Lihkku han dus lea, geas nie fiinna bargu lea! Gaskamuttus vahkku geige muhtin olmmái gieđa ja veahkeha du. Diekkáriid don gal muittát. Healsu ja mokta lea buorre, du fierpmádat sáhttá oažžut du bargat juoga maid it leat ovdal dahkan. Dán vahkku soaitá maid muhtin boarráset olmmoš du birrasis dárbbašit veahki.
Dán vahkku sátni: Doarjja!
BÁHČČI 22/11-21/12
Dán vahkku lea dehálaš servvoštallat. Don bovdehalat iešguđetlágan doaluide. Gáiddus riikkat ja kultuvrrat leat oassin das. Seamma alla idealat ja filosofalaš gažaldagat. Don soaittát maid leat bargomátkkis. Olbmot geaiguin deaivvadat dál, sáhttet šaddat buorren olbmájin boahtteáiggis. Návddaš eallima!
Dán vahkku sátni: Lihkkogáivo!
BÁKTEBOHKKÁ 22/12-19/1
Don leat hirbmat sosiála juo álggus vahkku. Don oaččut ođđa jurdagiid das mo buoridit ja lassánahttit ruhtadili. Jus suokkaradalat juoga juoidá, de gánniha jearrat ráđi muhtin ámmát ráđđeáddis. Barggu oktavuođas šattat veahá hearki daiguin olu máhcahemiiguin. Jus dus leat mánát, de sii sáhttet leat mátkkošteame olgoriikkas dahje leat beroštuvvan oahpuide maid fállet olgoriikkas.
Dán vahkku sátni: Seastinkontu!
ČÁHCEOLMMÁI 20/1-18/2
Dán vahkku lieđđu ráhkisvuohta. Sis geas ii leat guoibmi, sii ožžot liibba irggástallamii. Bovdet go ruoktot ovttastallat vai olgofesttii? Barggu dáfus lea jaskat. Liikká soaittát deaivvadit olbmuiguin dál geat sáhttet addit dutnje ávkkálaš dieđuid. Lagasvuohta ligge hirbmosit dán vahkkoloahpa. Leat go gearggus?
Dán vahkku sátni: Geahččanguovlu!
GUOLIT
19/2-20/3
Vahkku álggus čuovvu lihkku du. Du plánat ollašuvvet seammás. Healsu ja mokta lea buorre. Jus imaštalat mii geavvá, de galggat luohttit gapmui. Barggus sáhttá čuožžilit irggástallan ja romantihkka. Don geavahat ruđa deaivvademiide. Makkár biktasat leat heivvolaččat olgofestii?
Dán vahkku sátni: Gapmu!