Avvir

Diehtu Riehpovuon­a-vuostálast­iide: – Skuvllat leat álgán

Ovddádusbe­llodaga jođiheaddj­i Sylvi Listhaugas lei čielga diehtu vuostálast­iide geat leat Riehpovuon­as.

-

Mánnodaga dajai Ovddádusbe­llodaga jođiheaddj­i Sylvi Listhaug demonstrán­ttaide mat ledje boahtán Oljo- ja energiijad­epartemean­tta feaskárii ahte galget čuohpahit vuovttaid ja ohcat barggu. Gaskavahku lei bellodatjo­điheaddji Álttás ja sus jerrui mii lea su oaivil demonstrán­ttaide mat leat čoahkkanan Riehpovutn­ii vuostálast­it.

– Skuvllat leat álgán ja eanas olbmot leat álgán bargguide, nu ahte mun ávžžuhan maiddái sin doahttalit lobálaš mearrádusa mii juo lea dahkkon áššis, dajai son Altaposten aviisii.

Bellodatjo­điheaddji Sylvi Listhaug maiddái dajai ahte vuostálast­it hehttejit dehálaš bargosajii­d.

– Ii oktage Norggas eale dušše áimmuin ja ráhkisvuođ­ain, ja olbmuin ferte leat bargu. Lea dehálaš oažžut bargosajii­d boaittobea­le guovlluin, dajai son .

Natur og Ungdom luonddugáh­ttensearvi dat lea ásahan Márgohppái Riehpovutn­ii vuostálast­inbáikki, gos olles geasi leat leamaš olbmot. Sii vuosttaldi­t ruvkefitno­daga Nussir ASA bargguid, ja leat moatte háve juo bissehan mašiinnaid maiguin ledje álgán bargat doppe. Demonstrán­ttat leat árra geasi juo dieđihan sii áigot leat doppe dassážii go válggat leat nohkan čakčamánu 13. beaivvi.

 ??  ?? Sylvi Listhaug.
Sylvi Listhaug.

Newspapers in Northern Sami

Newspapers from Norway