– Mii leat ožžon luohttámuša
Sámeálbmot Bellodaga vuosttaševttohas Ann Elise Finbog dadjá kommentáras Ávvirii ahte sin bellodat lea leamaš oidnosis ja dat dagaha ahte sii leat ožžon luohttámuša.
– Bellodat lea dahkan buori barggu Sámedikkis ja leat doalahan iežamet jienasteddjiid. Mii oažžut ovtta áirasa dáppe Lulli-norgga válgabiirres, muhto leimmet bellodagas sávvan oažžut áirasa maiddái Ávjovári válgabiirres go leat leamaš hui oidnosis doppe. Leimmet sávvan eanet áirasiid obbalaččat, dadjá son.
Finbog lohká iežas vuordán olu eambbo sin bellodagas.
– Muhto lean eanet hirpmastuvvan go NSR nagoda doalahit sin áirasiid, dadjá Finbog.