– LEA NU ILLUDAHTTI BEASSAT VUOSTTAŠ geahččaleamis Sámediggái

Leavdnjalaš Øyvind Lindbäck lea vuosttaš válgabohtosiid vuođul beassan Sámediggái.

– Ferten vuohččan giitit buohkaid geat leat jienastan min, ja lean nu giitevaš. Lean nu movttet dán in lean vuordán. Lea hui illudahtti beassat vuosttaš geahččaleamis Sámediggái, lohká Øyvind Lindbäck.

Son lea dál njuiken sámepolitihkkii ja lohká illudit beassat politihkket. Øyvind Lindbäck muitala hui gelddolaš ja somás válgaeahkeda.

– Leamašan nu gelddolaš, mii leimmet čoahkkanan deikke Áltái Torill Bakken Kåvena lusa. Dáppe lea huikkas ja mii leimmet nu gealdagasas, lohká Øyvind Lindbäck.

Ávjovári válgabiirre Nordkalottfolket listanjunuš Øyvind Lindbäck. Govven: Inger Kristina Gaup-kaseka