Girona ruvkkes doarggástus
Mánnodatiđida lei stuora doarggástus Girona málbmaruvkkes. Guokte bargoguovllu ruvkkes giddejuvvojedje dan botta go vurde ahte doarggástus jaskkoda bávttis.
Doarggástus lei báktesokkis mii mieigá málbmaguovddáža guvlui, ja dovdui gitta Girona gávpotguovddážii.
– Mis ledje bargit seamma guovllus go doarggástus lei, muhto doarggástus lei báktesokkis iige bargoguovllus, dadjá LKAB preassagulahalli Anders Lindberg NSD aviisii.
Cirgguhit betoŋŋa bákteseinniide
Go bávttis cuvke málmma, de rievddada bávtti čavggadat. Dat dagaha doarggástusaid.
– Mii geahččalit garvit dakkár dáhpáhusaid dainna lágiin ahte mii plánet goas, gokko ja man jođánit mii cuvket iešguđetge guovllus bávttis. Mii dahkat maid ovdagihtii iskkademiid bávttis gokko bohkat ráiggi ja cirgguhit alladeattačázi, vai bákti luoddana ja čavggodat luoitá. Dát dahkko ovdal go cuvkegoahtit bávtti.
Lindberg lohká váttisin diehtit ovdagihtii goas doarggástusat šaddet, muhto čilge ahte ruvkebargit bargetá ollu barggu gievrudit bávtti.
– Mii cirgguhit betoŋŋa bákteseinniide ja dahkkái, mii boltut ja bidjat stálleneahta vai eai galgga stuora geađggit gahččat go dakkár doarggástusat bohtet.