Ožžon ođđa vejolašvuođa beassat Farmena finálii

Kárášjohkalaš Nils Kvalvik geahččala ođđasit lihku beakkán Tv-ráiddus Farmenis, dán háve son searvá Torpet oasseváldin.

Oktanis go 14 olbmo servet dán jagáš Farmen Tv-ráidui, de fárrejit golbma ovddeš Farmen oasseváldi Torpii ja okta sis lea kárášjohkalaš Nils Kvalvik (40). Nils Kvalvik searvvai diibmá Farmen Tv-ráidui, muhto válljii geassádit maŋŋá go son ja guđas earát rihko Tv-ráiddu njuolggadusaid. Kvalvik muitala TV2:I ahte sus lea mihttu joavdat finálii.

– Mun in gáđa go guđđen doalu diibmá, dieđusge ii livčče galgan dáhpáhuvvat dat mii dáhpáhuvai ja mun ledjen galgat doppe gitta lohppii, lohká son Tv2:ii. Daniel Godø (28) ja Dineke Polderman (49) leaba maid fárren sisa dálodollui mas namma lea Torpet.

Čakčamánu 21. beaivvi álgá fas Farmen Tv-ráidu oidnot TV2:S ja Torpet fas lea oaidnimis TV 2 Playas.