HOROSKOHPA - boahtte vahkku
FIERCA 21/3-19/4
Dál fertet leat gozuid nalde ja doaladit njuolggobálgá. Jus dál leat dus čielga mearrádusat,ja doalat daid, de ollet jođáneappot iežat mihtuide. Maŋŋelaš vahkkus fertet don vuolgit earáid searvái. Don leat hui sosiála, ja liikot buoremusat go don leat dáhpáhusaid guovddážis. Romantihkka lea fiinnis, leaččat dal oktoas dahje lea guoibmi. Dán vahkku sátni: Feasta!
VUOKSÁ 20/4-21/5
Jus dus lea bearaš dahje ustibat geat orrot guhkkin eret, de lea dál vuogas áigi váldit singuin oktavuođa. Bovde sin iežat guossái, go don han liikot guosshit njálgga borramuša ja hukset liekkusvuođa. Dus sáhttá maid lihkku bargoeallimis. Jus leat dahkan juoidá masa hoavda liiko, de soaitá bálkkašupmi skuvihit dál.
Dán vahkku sátni:
Suohtas ruovttus!
JUMEŽAT 21/5-21/6
Dál čájehat don iežat buriid beliid, sihke barggus ja sosiála deaivvademiin. Earát hearvášit du stiilla. Juoga dáhpáhuvvá bargosajis mii buktá dutnje ovdamuniid. Don oaččut dan man leat sávvan, muhto dat boahtá das maid don leat sávvan. Orru go dat mearritmeahttun? Nu leat don nai!
Dán vahkkus sátni:
Niehkodilli!
REABBÁ 22/6-22/7
Vahkku álgu lea vuogas áigi čorget rutiidna bargguid mat álkidahttet du eallima. Jus lea čorgat ruovttus, de sáhtát várra bovdet gáffegussiid? Dus leat olu ságat muitalit ustibiidda. sáhtát maid ruovttukantuvrras bargat dán vahkku jus nu heive. Romantihkka lea fiinnis ja geatnegahtekeahtes.
Dán vahkku sátni: Bargu!
LEDJON 23/7-22/8
Dus lea dál diđoštanhállu. Oaččut áinnas vuolgit niehkomátkái, mátkkoštit, persovnnalaš planehtii, bargomátkai, vuoiŋŋalaš dahje spirituála boddui. Viiddit iežat fiskkiid. Romantihkka lea buoremus jus it lohpit badjelmeare. It han don hálit iežat dahje earáid beahttit. Dán vahkku sátni: ekspansiiva!
BUHTISNIEIDA 23/8-22/9
Jus leat juoidá ávvudan vahkkoloahpas, de álgá vahkku nozet, muhto gal dat nai nohká. Maŋŋelaš vahkkus oaččut diktit iežat fantasiija ealáskit. Don sávat juoidá nu olu ahte orru šaddame duohtan dutnje. Na, luohte beare iežat váibmui, muhto geahččal goitge váldit gulul.
Dán vahkku sátni: Hutkáivuohta!
VIEHKAT 23/9-22/10
Vahkku álgá várra veahá njozet, muhto 22. beaivvi álgáge du áigodat jagis, ja oallugat dis ávvudehpet riegádanbeaivvi, lihkku beivviin! Eanas Viehkagat ožžot dovddu ahte máilbmi lea dušše sin váste. Jus don it leat badjelmearálaš, de sáhtát oažžut bearraša, bargoustibiid ja ustibiid maid čuovvolit dan treandda!
Dán vahkku sátni: Ávvudeapmi!
SKORPIUVDNA 23/10-21/11
Don leat doaimmalaš sosiála eallimis. Sihke ovttas ustibiiguin ja maid smás lágidemiin barggu dáfus. Muhtumat dis sáhttibehtet fuomášit muhtuma gii geasuha. Iskka su lagabui! Vahkkoloahpa beasat don vuoiŋŋastit suffás, lohkat girjji ja juhkat njálgga juhkosa.
Dán vahkku sátni: Geahppasaddan!
BÁHČČI 22/11-21/12
Ovttasbargu earáiguin doaibmá bures. Muhtumiid mielas donviissástalat beare olu, muhto don guldalat goit maid earát lohket. Don leat sosiála ja doaimmalaš. Earát mearkkašit gii don leat, goit buriid beliid. Lagabui vahkkoloahpa sáhtát don vuolgit mátkái ovttas mánáiguin. Suohtastallat mánáiguin buktá dutnje movtta.
Dán vahkku sátni: Suohtastallamat!
BÁKTEBOHKKÁ 22/12-19/1
Juoga dáhpáhuvvá du birrasis masa it leat nu hárjánan. Dat lea miellagiddevaš, ja lea posiitiva go leat ođđa idéat. Don leat maid sosiála, ja leat doppe gos miige dáhpáhuvvá. Dus lea eanet hušša barggus maŋŋelaš vahkkus, seammás go ruoktu ja bearaš šaddá deháleabbon dutnje. Gávnna balánssa das, ja várra sáhtát ruovttukantuvrras bargat. Dán vahkku sátni: Balánssa gávdnat!
ČÁHCEOLMMÁI 20/1-18/2
Olgoriika geasuha du dál. Várra vuolggát ge de olgoriikii? Soaittát maid deaivvadit muhtumiin gáiddus kultuvrras gii geasuha du. Oaidnit ja vásihit ljuoidá ođđasa dál lea dutnje buorre. Don leat rabas ja oahppil ja dohppet álkit ođđa impulssaid. Várra muhtun dis álgá alitohppui mii lea gáiddus báikkis? Dán vahkku sátni: Inspirašuvdna!
GUOLIT 19/2-20/3 Álggus vahkku hirpmástuvat don positiivvalaččat. Uvssat mat ovdal ledje giddejuvvon, rahpasit dál dutnje. Muhtumat leat rievdadan iežaset miellaguottuid. Don orut maid oažžume bálkkašumi daid buriid daguid ovddas maid leat dahkan ovdal. Sáhtát maid buoridit iežat eallima jus válddát eret dárbbatmeahttun cakkiid mat eai leat ávkin dutnje.
Dán vahkku sátni: bálkkašupmi!