Váikkuhusat

Suttus leat váikkuhusat ja seammá ládje leat árpmus maid váikkuhusat. Diekko lea geaidnu eret das mii nu čavga darvána midjiide, ja mainna orru veadjetmeahttun birget. Buorre ođas lea dat ahte jus mii dovddastit ahte mii eat ieža nagot dán hálddašit, de mii oažžut beare vuollánit.

Dat dahká friddjan. Nu jurddašii maid apostal Peter, go vuos lei biehttalan Jesusa golmma geardde, ja de deaivvadii bajásčuožžilan Jesusiin. Peter lei dat apostal guhte duođaštii:«munnje gal oaččut luohttit Jesus, jus buohkat earát behttet du, de goit mun lean du beale!» Dies mii gal leat buohkat leamaš. Go mii leat dien muttus, de mii leat ođđa álggus, jus mii dáhttut sojaldahttit iežamet Sutnje guhte sárdnu, ja dovddastit min iežamet dárpmehisvuođa. Dalle sáhttá «ođđa eallin» álgit, dat mas vuolggasadji lea Ipmila váibmu. - Sálbma 139,16 «Du čalmmit oidne mu juo dalle go mun ledjen ohki, buot mu beaivvit ledje čállojuvvon du girjái ovdal go dain oktage lei boahtán.»