HOROSKOHPA - boahtte vahkku
FIERCA 21/3-19/4
Dán vahkku leat hirbmat sosiála. Velá barggu oktavuođas maid, kánske don searvvat doaluide dán vahkkoloahpa? Barggus livččii dus olu oaivilat maid galggašit dadjat. Don leat čeahppi gulahallat earáiguin. Dál soaittát maid lihkostuvvat muhtin prošeavttain man leat álggahan. Vahkkoloahpa sáhttibeahtti guimmiin smiehtastit man lihkolaččat leahppi ovttas.
Dán vahkku sátni: Rievttes sánit!
VUOKSÁ 20/4-21/5
Dál rahpasa aktiivvalaš vahkku. Healsu ja mokta lea hirbmat buorre. Dus lea nu olu arva ahte nagodat vel viehkat smávva tuvrraža meahcis maŋŋá barggu. Gaskamuttos vahkku ovdána ruhtadilli maid. Barggus oaččut lassi bálkká. Vahkkoloahpas leat don hui sosiála. Irggástallan ja romantihkka sáhttá leat gelddolaš. Don galledat maid soames ásahusaid bearrašiin, gos olu aktivitehta. Dán vahkku sátni: Ovttastallan!
JUMEŽAT 21/5-21/6
Soapmásat dis soitet ain dán váhkku hávskeváibmilat. Dii liikobehtet suohtastallat olbmáiguin. Don leat maid hui doaimmalaš servviiguin main leat mielde. Barggus manná oalle njozet, muhto liikká nagodat doaimmahit bargguid. Vahkkoloahpas beroštuvat healssus ja čalggus. Dál soaittát maid bovdet olbmáid guossái.
Dán vahkku sátni: Jorggáhallat!
REABBÁ 22/6-22/7
Dálvvi guvlui bijat fuomášumi bearrašii ja ruktui. Soapmásat dis soaitibehtet bargat ruovttus, jus nu heive. Don nagodat goit čoavdit bargguid. Vahkkolohppii boađát dakkár millii go háliidat suohtastallat ja vásihit guoimmuhemiid. Irggástallan ja romantihkka lea maid buorre. Dál lea vuogas áigi fuobmát somás čakčadoaimmaid mánáiguin.
Dán vahkku sátni: Ruovttohas!
LEDJON 23/7-22/8
Soaitá ahte muhtin Ledjonat leat mátkkošteame olgoriikkas dán vahkku. Soapmásat soitet árvvoštallame oahppobáikkiid. Gaskamuttos vahkku álgá ruhtadilli ovdánit, ja don geavahat maid ruđa suohtastallamiidda olgobáikkiin. Vahkkoloahpas beroštuvat bearašáššiin. Návddaš eallima ruovttus!
Dán vahkku sátni: Guorahalli!
BUHTISNIEIDA 23/8-22/9
Dál manná hui bures ruđálaččat, ja arva maid lea buorre. Don bijat áiggi ruktui ja bearrašii. Healsu ja mokta lea oalle buorre, muhto dat maid badjána gaskamuttus vahkku. Don oainnát iežat eallinluotta čielgaset ja mo buoremusat olahit mihtuid. Romantihkka lea fiinnis, muhto ii stáđis. Don leat čeahppi humadit earáiguin.
Dán vahkku sátni: Ovdánat!
VIEHKAT 23/9-22/10
Dán vahkku leat ain muhtimat dis ávvudeame riegádanbeivviid, olu lihkku! Dál lea vuogas bidjat áiggi iežas sávaldagaide ja bargguide. Romantihkka lea fiinnis, ja don leat hirbmat bivnnut. Healsu ja mokta bissu jus it liiggástala. Vahkkoloahpas beasat vásihit ahte ruđálaččat ovdánat.
Dán vahkku sátni: Don mearridat!
SKORPIUVDNA 23/10-21/11
Vuoiŋŋalašvuohta geasuha ain du. Barggu dáfus ovdánat jus doarjjut buriid organisašuvnnaid. Dakkár doaluin sáhtát oahpásmuvvat gelddolaš olbmuiguin. Romantihka bealis maid geavvá olu. Vahkkoloahpa guvlui rievdá dilli, ja lávvordaga 23. beaivvi ávvudat riegádanbeaivvi, olu lihkku!
Dán vahkku sátni: Jierpmálaš dagut!
BÁHČČI 22/11-21/12
Don deaivvadat oahppásiiguin ja amas olbmuiguin geat šaddet buorren olbmájin boahtteáiggis maid. Romantihkka lea somá dán vahkku, irggástallamii don liikot! Barggus maid oaččut eanet doaimmaid, ja jus leat dovdan ahte it nákce, de dat njuolgá dál. Dán vahkku leat maid hui filosofalaš, ja don suokkardalat eallima imašlašvuođaid.
Dán vahkku sátni: Deaivvadeapmi!
BÁKTEBOHKKÁ 22/12-19/1
Dus lea ain oalle hušša barggus, muhto dat luoitigoahtá. Soapmásat soaittibehtet bargat ruovttus, jus nu heive. Bearaš maid lea dehálaš dál. Healsu ja mokta lea buorre, ja bargoskihpárat sáhttet addit mávssolaš rávvagiid dál. Loahpas vahkku álgá sosiálalaš áigi olbmáiguin ja servviiguin main leat mielde. Dán vahkku sátni: Bearašáigi!
ČÁHCEOLMMÁI 20/1-18/2
Olgoriikka oktavuođat leat dehálaččat dál. Muhtimat soitet mátkkošteame mánáiguin. Ráhkisvuohta maid šaddá dehálažžan vahkku mielde, ja don bijat dasa buot iežat áiggi. Barggus maid šaddá hirbmat hušša. Vahkkoloahpas soaittát gullat ságaid mat dagahit ahte don plánegoađát boahtteáiggi.
Dán vahkku sátni: Romantihkka!
GUOLIT 19/2-20/3
Leage áŋgir, ja don lihkostuvat plánaiguin. Dál soaitá ruhta maid goaikkehit doppe gos it lean vuordánge. Almmis vai? Romantihkka lieđđu buohkain. Vahkkolohppii soaittát beassat dollet ráhkisvuođamátkái. Dál galggat maid fitnat vuovddis viehkame, dahje mannat meahccái.
Dán vahkku sátni: Mátkkoštit!