«Gobmi/ghost» lihkostuvvá bivttasmearkkain
Bivttasmearka Gobmi/ Ghost lihkostuvvá ovdal go lea almmuhan biktasiid. Ođđa Álttá-fitnodat lea ožžon ollu fuomášumi ja dál doarju maiddái Innovašuvdna Norga sin 700.000 ruvnnuin.
Gobmi/ghost lea áibbas ođđa bivttasmearka man oappážagat Live Moen Johannessen ja Hanna Krogh-reinsnes Álttás leaba ásahan. Soai čilgeba preassadieđáhusas ahte dát bivttasmearka čájeha sámi kultuvrra ođđa vuogi mielde.
– Máŋggabealátvuohta ja iešvuođat lea globála megatrenda ja munno mielas váillui bivttasmearka iežame kultuvrras, mas leat ambišuvnnat olahit internašunála márkaniidda, dadjá álggaheaddji ja beaivválašjođiheaddji Hanna Krogh-reinsnes preassadieđáhusas.
Viiddis fierpmádat musihka bokte
Dát oappášguovttos leaba ovdalaččas oahpes namat musihkkasuorggis, Birubaby joavkkus. Musihkkabarggus lohkaba olahan našunála ja internašunála fierpmárdaga, ja dan ovdamuni lohkaba áigut geavahit ovddidit kulturárbbi mii lea divrras buohkaide.
Sunno fárus lea olles joavku mas kreatiiva olbmot, nugo govvejeaddjit, artisttat, modeallat, designerat, álggaheaddjit ja nu ain. Konseapta Gobmi/ghost lea gulustuvvan oanehis áiggis, dan rájes go čájehedje osiid iežaset kollekšuvnnas giđđat. Dan fuomášii earret eará Melk & Honning, mii
ÁLTÁ
Duorastat
Bearjadat
DEATNU/OHCEJOHKA
Duorastat Bearjadat
ČÁHCESUOLU
Duorastat
Bearjadat lea Norgga stuorámus mohtamagasiidna neahtas.
– Letne hirpmahuvvan man olu responsa letne ožžon oanehis áiggis. Orru áibbas čielggas ahte lea juoga maid oallugat leat vuordán, dadjá Live Moen Johannessen.
Árvaluvvon gudnenamahussii
Bivttasmearka lei borgámánus árvaluvvon vuoitit našunála Fushion Tribute Award mohtabálkkášumi. Gobmi/ghost lei maid okta dain 11 easkkaálgiin mat ledje válljejuvvon grunderdoarjjaortnegii Arctic Accelerator dán jagi, ja dan oktavuođas válljejuvvui golmma buoremus álgi fitnodahkan doppe.
Sámediggi lea ovdalaččas dorjon bivttasmearkka álggahandoarjagiin ja dál lea maid Innovašuvdna Norga juolludan 700 000 ruvnno fitnodahkii.gaskavahkku álggaheaba oappášguovttos nu gohčoduvvon crowdfunding-kampánjja, mas olbmot sáhttet searvat mielaeaiggádin fitnodahkii.