Doavttirin ja riddárin
das dálááiggi jietnadeapmin, muitala Anders Henriksen ja lohká dát váikkuhii maid Uit:i ja eamiálbmogiidda eará oktavuođain.
Stuorra inspirašuvdna Mari Boinei
Hans Ragnar Mathisen lea nubbi sámi dáiddár gii lea gudnejahtton
Ávvir
UIT gudnedoavttir namahusain ja maiddái nammaduvvon Gonagasa Bassi Olav 1. luohká ortnegiin. Artista Mari Boine oaččui Gonagasa Bassi Olav ortnega 2009:s ja UIT - Norgga árktalaš universitehta nammadii su fas gudnedoavttirin 2018:s.
– Lean nu ilus go Elle Hánsa maid lea nammaduvvon Uitgutnidoavttirin ja muđui lea gudnejahttojuvvon dán maŋimuš jagi. Hans Ragnar leamašan munnje stuorra inspirašuvdnan ja su barggut movttiidahtte mu dalle juo 1980-logus. Son maid fuopmášahtii mu ahte máilmmis gávdnojit eará álgoálbmogat ja dat báinnii olu mu musihka buori guvlui, lohká Mari Boine Ávvirii.
Elle-hánsa nammaduvvon Bassi Olav 1. luohká riddárin
Borgemánu 31. beaivvi 2022 sakkastii Romssa ja Finnmárkku stáhtahálddašeaddji Bård Magne Pedersen Gonagasa Bassi Olav 1. luohká riddára medálja Hans Ragnar Mathisena gákteraddái Romssa Dáiddasiidda viesus. Lea Gonagas mii nammada sin geat ánssášit dakkáraš gudni. ja Hans
Ragnar Mathisen oažžu dan ánssu su 50 jagi barggu čalmmustahttit sámevuođa ja maiddái su dáiddalaš barggu.
– Romssa Dáiddasiidii leamaš gudni leahkit guossoheaddjin dán dilálašvuođas. Ledje olu njuorasmahtti sártnit mat rámidedje Hans Ragnara dáiddalaš ja politihkalaš barggu, erenoamážit olmmožin ja lagamužžan. Lei duođaid áigi ahte Hans Ragnar oaččui dan ánssu maid dál oažžu. Mii sáhttit dušše giitit su su váibbakeahtes guhkes áiggi barggu ovddas. Su bargu lea hirbmat dehálaš bargu maid lea bargan ja maid ain bargá. lohká Romssa Dáiddasiidda intendeanta Camilla Fagerli.
Giittii Elle-hánssa
Sámediggepresideanta Silje Karine Muotka muitalii sártnistis ahte son sihke njuorasmuvai ja dovddai stuorra ilu go gulai ahte gonagas lea nammadan Elle-hánssa Bassi Olav 1. luohká riddárin. Sártnis čujuhii dan garra dáruiduhttináigodahkii ja mo dat čuozai sámi álbmogii.
– Don, Elle-hánsa, oidnet sihke vuoigatmeahttunvuođa ja čiegadeami! Sámi álbmoga ovddas háliidan giitit du go leat ožžon min báikenamaid fas almmolašvuhtii. Lea hirpmástuhtti bargu čohkket duháhiid báikenamaid ja dasto čállit daid gierdameahttunvuođain 21 sámi kártii mat čájehit bienasta bitnii min leahkima ja min historjjá, logai Muotka sártnistis ja deattuhii Elle-hánssa stuorra givrodaga sihke dáiddárin ja eamiálbmotaktivistan.